Өдөр бүр сүү хөтөлбөр хэрэгжиж эхэллээ
Өнөөдрөөс ерөнхий боловсролын 6-9 дүгээр ангийн 8300 сурагчид "Өдөр бүр сүү" хөтөлбөрт хамрагдаж эхэллээ. Өдөрт 180-200 мг сүү уух нь бие бялдрын өсөлт хөгжлийг дэмжих, кальцийн дутагдлыг нөхнө гэж үздэг. Тиймээс 2025 оны хичээлийн жилд 6-9 дүгээр ангийн сурагчдад өдөр бүр нэмэлт бодисгүй, цэвэр сүү, сүүн бүтээгдэхүүнийг олгохоор 793 сая төгрөгийг орон нутгийн төсвөөс шийдвэрлэсэн.
Сүү, сүүн бүтээгдэхүүн бэлтгэн нийлүүлэгч “Сүү” ХХК, "Тэргүүн заяа" ХХК, “Баяжуулагч Одод” ХХК 180 гр сүүг 1000 төгрөгөөр нийлүүлэх санал ирүүлсэн гэж аймгийн Боловсролын газраас мэдээллээ.
Сурагчдын амралт дуусаж, хичээл сургууль орсонтой холбоотойгоор бэлтгэл ажлын хүрээнд ерөнхий боловсролын 17 сургуулийн гал тогоонд урсгал засвар ариутгал, цэвэрлэгээг хийсэн байна. Мөн долоо хоногийн түүхий эд, бараа бүтээгдэхүүний татан авалт хийжээ. Хүүхдийн хоолны зардал 1000 төгрөгөөр нэмэгдсэнтэй холбогдуулан цэс төлөвлөлтийг 2500 төгрөгөөр тооцоолон гаргасан байна.
Мэдээллийн төв
