2024 оны шилдгийн шилдэг өрхийн эрүүл мэндийн төвөөр “Мөнхсүндрэл” эмнэлэг шалгарлаа

Хүн амд төрөөс үзүүлэх эрүүл мэндийн тусламж үйлчилгээг хариуцлагатай хүртээмжтэй хүргэж, аймгийн Засаг даргатай байгуулсан гүйцэтгэлийн гэрээний биелэлтийг “Хангалттай” үнэлгээтэй хэрэгжүүлсэн “Мөнхсүндрэл” өрхийн эрүүл мэндийн төвийг 2024 оны “Шилдгийн шилдэг өрхийн эрүүл мэндийн төв”-өөр шалгаруулж, өргөмжиллөө. Мөн “Энхжихмандариваа” өрхийн эрүүл мэндийн төв 2024 оны үйл ажиллагаагаараа “Шилдэг өрхийн эрүүл мэндийн төв”-өөр шалгарав.

Түүнчлэн нийгмийн эрүүл мэндийг сайжруулах хамт олныхоо эрүүл мэндийг хамгаалж, таатай орчин бүрдүүлж “Эрүүл мэндийг дэмжигч” байгууллагын болзол шалгуурыг хангасан байгууллагуудыг алдаршууллаа.

2024 оны “Эрүүл мэндийг дэмжигч” байгууллагын I зэргийн шалгуурыг хангасан байгууллага

Баян-Өндөр сумын Ивченкова Елена Владимировна эрхлэгчтэй 12 дугаар цэцэрлэг
Баян-Өндөр сумын Д.Эрдэнэчимэг ахлагчтай 11 дугаар цэцэрлэг
Баян-Өндөр сумын Н.Янжинлхам эрхлэгчтэй 17 дугаар цэцэрлэг

2024 оны “Эрүүл мэндийг дэмжигч” байгууллагын II зэргийн шалгуурыг хангасан байгууллага

Д.Нармандах даргатай Нийгмийн даатгалын газар
Р.Сарантуяа эрхлэгчтэй Эрх бүжин цэцэрлэг
Б.Батзаяа захиралтай 16 дугаар сургууль

2024 оны “Эрүүл мэндийг дэмжигч” байгууллагын III зэргийн шалгуурыг хангасан байгууллага

Аймгийн Засаг даргын Тамгын газар
Эрдэнэт үйлдвэр ТӨҮГ-ын Баяжуулах үйлдвэр
Эрдэнэт үйлдвэр ТӨҮГ-ын Автотээврийн цех
Эрдэнэт үйлдвэр ТӨҮГ-ын Аж ахуй, үйлчилгээний цех
Эрдэнэт үйлдвэр ТӨҮГ-ын Засвар угсралтийн цех
Эрдэнэт үйлдвэр ТӨҮГ-ын Ил уурхайн цех
Эрдэнэт үйлдвэр ТӨҮГ-ын Эрдэнэт сувилал цогцолбор тус тус шалгарч, Үндэсний эрх чөлөө, Тусгаар тогтнолоо сэргээн мандуулсны 113 жилийн ойн өдрөөр шагналыг нь гардууллаа.

Мэдээллийн төв