БОЭТ-ийн Хагалгааны болон Гэмтлийн тасагт их засвар хийж өргөтгөлөө
Энэ жил орон нутгийн төсвийн 533 сая төгрөгийн хөрөнгө оруулалтаар БОЭТ-ийн Хагалгааны тасагт их засвар хийж,өргөтгөлөө. Мөн орон нутгийн төсвийн 301 сая төгрөгийн хөрөнгө оруулалтаар Гэмтэл согог судлалын тасаг, аймгийн Болзошгүй аваарын зардлын 40 сая төгрөгийн санхүүжилтээр гал тогооны дээвэрт их засвар хийж, орчин нөхцлийг сайжруулав.
БОЭТ нь бүс нутгийн иргэдэд эрүүл мэндийн тусламж үйлчилгээг үзүүлдэг. Одоогоос 5 жилийн өмнө Хагалгааны нэгдсэн тасаг жилд 2000 орчим хагалгаа хийдэг байсан бол өнгөрсөн жилийн тоон мэдээллээс харахад энэ тоо 4000 болж нэмэгджээ.
Тиймээс хагалгааны нэр төрлийг олшруулах, орчин нөхцөл, эмчилгээ үйлчилгээний чанар хүртээмжийг сайжруулах зайлшгүй шаардлага бий болж хуучин 4 хагалгааны өрөөг 8 болгож өргөтгөөд байна.
БОЭТ-ийн орчин нөхцлийг сайжруулах зорилгоор сүүлийн 4 жилийн хугацаанд 4 тэрбум 800 сая төгрөгийн 161 сая төгрөгийг урсгал болон их засварыг улс болон орон нутгийн төсвийн хөрөнгө оруулалтаар дараах тасаг, нэгжүүдэд их засвар хийжээ.
- Сэргээх засах тасгийн засварын ажил
- Халдвартын тасгийн засварын ажил /Б/ хэсэг
- Шарил хадгалах байрны өргөтгөл засвар
- Гадна цахилгаан хангамжийн шугам шинэчлэх, кабель солих ажил
- Гадна инженер шугам сүлжээний засвар
- Дотрын тасгийн засварын ажил
- Амбулаторийн 1,2,3,4 давхрын засварын ажил
- Лабораторийн тасгийн засварын ажил
- БОЭТ-ийн цогцос хадгалах байрны өргөтгөл
- Нийтийн эзэмшлийн коридоруудын тус тус засварлаж, иргэдийг ая тухтай орчинд эмнэлгийн тусламж үйлчилгээ авах боломж нөхцлөөр хангаад байна.
Мэдээллийн төв
