Наадмын талбай, морь барианы газарт хуушуур, шорлог, худалдаа үйлчилгээ эрхлэх хүсэлтэй иргэн, аж ахуйн нэгжийн цахим бүртгэл маргааш эхэлнэ. Тодруулбал, нийтийн хоол үйлдвэрлэл, худалдаа, үйлчилгээний цахим бүртгэл 07 дугаар сарын 23-ны 09:00 цагт нээгдэж, 17:00 цагт хаагдана.

•  Хоол үйлчилгээ, хүнсний болон худалдаа үйлчилгээ эрхлэгчдийн хүсэлтийг цахимаар хүлээн авна. 
•  Хүүхдийн парк нь баяр наадмын комисстой хамтран ажиллах бөгөөд тоглоом үйлчилгээг Наадмын талбайн хажуу дахь Хүүхдийн паркад явуулна.

Нийтийн хоол үйлдвэрлэл /хуушуур, шорлог/ эрхлэхэд бүрдүүлэх материал:
1.  Хоол үйлдвэрлэл, үйлчилгээ эрхлэгчийн хүсэлт, холбогдох утасны дугаар 
2.  Иргэний үнэмлэх, аж ахуйн нэгжийн гэрчилгээний хуулбар
3.  Тогоочийн мэргэжлийн үнэмлэхийн хуулбар
4.   Тогооч, ажилчдын урьдчилан сэргийлэх үзлэг шинжилгээний дэвтрийн хуулбар
5.   ХХААГ-ын Бүртгэл мэдээллийн санд бүртгэгдсэн хоол үйлдвэрлэл, үйлчилгээ  эрхлэгчийн бүртгэлийн хуудас

Худалдаа, үйлчилгээ явуулахад бүрдүүлэх материал

1.    Аж ахуйн нэгж, иргэний хүсэлт, утасны дугаар 
2.    Аж ахуйн нэгжийн гэрчилгээний хуулбар, иргэний үнэмлэхийн хуулбар
3.    Эрүүл мэндийн шинжилгээний дэвтрийн хуулбар /зөвхөн хүнсний худалдаа эрхлэгчид/

Нийтийн хоол, худалдаа үйлчилгээ явуулах аж ахуйн нэгж, иргэд ERDENET.MN албан ёсны цахим хуудсанд нэвтэрч ВЕБСАЙТ хэсэгт дарахад 
1.    “Баяр наадмын үеэр ажиллах нийтийн хоол үйлдвэрлэл эрхлэгчдийн цахим бүртгэл”
2.    “Баяр наадмын үеэр ажиллах худалдаа, үйлчилгээ эрхлэгчдийн цахим бүртгэл”  хэсэг харагдана. 
Ажиллах чиглэлээ сонгоод талбаруудыг үнэн зөв бөглөж, скайнердаж бэлдсэн бүрдүүлэх бичиг баримтыг хавсаргана. 
ЖИЧ: Бөглөөгүй дутуу талбар үлдээх, бичиг баримтын бүрдэл дутуу тохиолдолд бүртгэгдэхгүй болно. 

•   Хоол үйлдвэрлэл эрхлэхээр бүртгэл хийгдэж баталгаажсан аж ахуйн нэгжүүдэд  2024 оны 07 дугаар сарын 24-ны 09:00 цагт, худалдаа үйлчилгээ эрхлэх хүсэлт нь баталгаажсан иргэн, ААН-үүдэд 2024 оны 07 дугаар сарын 24-ны өдрийн 14.00 цагт ХҮҮХЭД, ГЭР БҮЛИЙН ХӨГЖИЛ, ХАМГААЛЛЫН ГАЗРЫН 2 давхрын Хурлын зааланд мэдээлэл зөвлөмж өгч, сургалт зохион байгуулна. 
•  Морь барианд 2024 оны 7-р сарын 29-ны өдөр гэрээ барьсан байна. 7-р сарын 31-ний өглөө хурдан морины уралдаантай тул гэр бариулахгүй болохыг анхаарна уу!
•  Наадмын талбайн павильоны түлхүүрийг 7 сарын 24-нд наадмын талбай дээр БТСГ-аас олгоно.
•  2024 оны 7 дугаар сарын 30-ны дотор хоолны дээжийг Стандарт, хэмжил зүйн хэлтсийн лабораторид, хоол хийх махны шинжилгээг 07 сарын 24-өөс эхлэн Мал эмнэлгийн газрын лабораторид тус тус шинжлүүлэн бичиг баримтыг авсан байх шаардлагатай. 
•  Павильонуудын ариутгалыг нэгдсэн журмаар Мал эмнэлгийн газар хийж гүйцэтгэнэ.
•   Наадмын талбайд ХҮНДЭТГЭЛИЙН ГЭР барих газрууд хүсэлтээ 7 сарын 28-ны дотор ирүүлж 7 сарын 30-нд гэрээ барьсан байна. 

ЗӨВЛӨМЖ, ТАВИГДАХ ШААРДЛАГА

•  Хоол үйлдвэрлэл эрхлэгчид хоолны махны дээжийг МЭГ-ын лабораторид өгч хүнсний түүхий эд, бүтээгдэхүүний шинжилгээний бичиг авсан байна. Мөн хүнсний худалдаа эрхлэгчид худалдаалж буй хүнсний бүтээгдэхүүний шинжилгээний бичигтэй байна.
•   Бүх тоглоомууд Хүүхдийн паркад байрлаж үйл ажиллагаа явуулна.
•   Импортын бараа буюу гутал, хувцас, малгай худалдаалахгүй. Үндэсний бараа бүтээгдэхүүн худалдахыг зөвшөөрнө.
•  Лото, шаар хагалах, шоо хаях, хөдөлгөөнт тоглоом буюу машин, дугуй зэрэг үйлчилгээ явуулахгүй.
• Тоглоомын үйлчилгээ эрхлэгчид аюулгүй байдлыг нягт хангаж ажиллана.
•  Галын аюулгүй байдлыг ханган ажиллаж, шаардлага хангасан гал унтраагчтай байна. 
•    Үйлчилгээ эрхлэгчид Е-баримт олгодог байна.
•     Аливаа зөвшөөрөлгүй үйл ажиллагаа явуулахыг хориглоно.

                    Мэдээллийн төв