Төрийн албаны II улирлын ерөнхий шалгалт маргааш эхэлнэ
Төрийн албаны II улирлын ерөнхий шалгалт маргааш буюу энэ сарын 22-ны өглөө 08:00 цагт ЗДТГ-ын Төрийн албан хаагчийн сургалтын танхимд эхэлнэ. Энэ удаагийн шалгалтад оролцохоор 90 иргэн бүртгүүлжээ. Шалгалтын бүртгэл өнгөрсөн дөрөвдүгээр сарын 24-ний 09:00 цагт эхэлж, энэ сарын 9-ны 09:00 цаг хүртэл үргэлжилсэн.
2022 оны долоодугаар сарын 5-нд Төрийн албаны тухай хуульд нэмэлт өөрчлөлт орж Төрийн албаны ерөнхий шалгалтыг улиралд нэгээс доошгүй удаа зохион байгуулах зохицуулалтыг тусгасан.
2024 оны эхний 4 сард Төрийн албаны удирдах болон гүйцэтгэх албан тушаалын тусгай шалгалт зохион байгуулах хүсэлтийг 11 байгууллагын 17 сул албан тушаалын захиалгыг хүлээн авч, туслах түшмэлийн -1, дэс түшмэлийн 3, ахлах түшмэлийн -2 удаа нийт 6 удаа тусгай шалгалтыг 17 сул орон тоонд зохион байгуулахад 11 төрийн жинхэнэ албан хаагч болон төрийн жинхэнэ албаны нөөцөд бүртгэлтэй иргэд тэнцсэн.
Төрийн албаны салбар зөвлөлөөс тэнцсэн 11 оролцогчыг нэр дэвшүүлэн тухайн байгууллагуудад томилж, нийт сул албан тушаалын 64.7 хувь нь нөхөгдсөн. Мөн энэ оны 1 дүгээр улирлын ерөнхий шалгалт зохион байгуулахад 103 иргэн шалгалтад оролцохоор бүртгүүлсэнээс 81 иргэн буюу 78.6 хувь нь шалгалтад оролцон, 13 иргэн буюу 16.0 хувь нь тэнцжээ.
Мэдээллийн төв
