28 байгууллагын төсвийн шууд захирагч нартай 2024 оны гүйцэтгэлийн төлөвлөгөөг баталлаа
Аймгийн Засаг даргын орлогч М.Түмэнжаргал өнөөдөр Засаг даргын дэргэдэх 26 агентлагийн удирдлага, хоёр сумдын Засаг дарга нартай 2024 оны гүйцэтгэлийн төлөвлөгөөг баталлаа.
Энэ жилийн гүйцэтгэлийн төлөвлөгөөг батлахын өмнө аймгийн удирдлагууд төсвийн шууд захирагч нартай өнгөрсөн онд хийж хэрэгжүүлсэн ажил болон цаашид хэрэгжүүлэхээр төлөвлөсөн арга хэмжээ, анхаарч, сайжруулах асуудлаар санал солилцсон.
Тэрээр, хэлтэс, агентлагийн удирлагуудад хандаж “Та бүхэн Монгол Улсын Засгийн газраас дэвшүүлсэн зорилт, аймгийн хурлын байгууллагын үндсэн чиглэл, аймгийн Засаг даргын үйл ажиллагааны хөтөлбөр түүнийг хэрэгжүүлэх арга хэмжээний төлөвлөгөө, 2024 оны жилийн ажлын төлөвлөгөөнд тутсгасан зорилтуудыг хэрэгжүүлэхэд өөрсдийн мэдлэг, ур чадвараа дайчлаж ажиллаж төлөвлөгөөгөөр хүлээсэн үүргээ бүрэн дүүрэн биелүүлэн ажиллахыг хүсье” гэлээ.
Засгийн газрын болон аймгийн Засаг даргын үйл ажиллагааны хөтөлбөр, түүнийг хэрэгжүүлэх арга хэмжээний төлөвлөгөөг 91.1-аас 91.7 хувьтайгаар хэрэгжүүлсэн. Өнгөрсөн онд нийт 2283 ажлын байр бий болсны 48.1 хувь нь шинэ ажлын байр байна. Аймгийн төсөвт 282.9 тэрбум төгрөгийн орлгыг төвлөрүүлж, төсвийн гүйцэтгэл 102.1 хувьтай байна. Татварын орлогын төлөвлөгөө 7.5 хувиар давж биелсэн.
Аж үйлдвэрийн салбарт 4,2 их наяд төгрөгийн бүтээгдэхүүн үйлдвэрлэн, 4.5 их наяд төгрөгийн бүтээгдэхүүн борлуулсан нь өмнөх оны мөн үеэс үйлдвэрлэлт 17.4 хувиар, борлуулалт 7,8 хувиар нэмэгдсэн үзүүлэлттэй байна.
Мэдээллийн төв
