Багш нарын арга зүйн уралдааны II шат энэ сарын 28-нд эхэлнэ
Ерөнхий боловсролын сургуулийн багш нарын багшлахуйн арга зүйн туршлагыг түгээн дэлгэрүүлэх, масс сургалтын чанарыг ахиулах зорилгоор аймгийн Засаг даргын нэрэмжит “Би Багш” арга зүйн уралдааныг ЗДТГ, БШУГ-аас хамтран зохион байгуулж байна.
Уралдааны нэгдүгээр шат энэ сарын 13-22-ны хооронд сургуулийн төвшинд болж байгаа бол хоёрдугаар шат мөн энэ сарын 28-30 -ны хооронд аймгийн төвшинд болно. Нэгдүгээр шатанд шалгарсан багш нар хоёрдугаар шатанд оролцох юм.
Нийт 14 төрлийн хичээлийн судлагдахуунаар арга зүйн илтгэл, хичээлийн хөтөлбөрийн хэрэгжилт буюу хичээл заалтын ур чадварыг шалгаруулна. Дээрх хоёр шалгуураар багш нар монгол хэл, уран зохиол, үндэсний бичиг, математик, мэдээлэл зүй, гадаад хэл, хими, биологи, түүх, нийгэм, иргэний ёс зүй, дизайн-технологи, дүрслэх урлаг, биеийн тамир, дуу хөгжим гэсэн хичээлээр өрсөлдөнө.
Мөн бага ангийн багш нарын дунд математик, монгол хэл, хүн нийгэм, хүн байгаль, иргэний ёс зүй гэсэн хичээлээр шалгаруулна. Хичээл тус бүрээс нэг багш буюу нийт 14 багшийг шалгаруулж гадаад улсад туршлага судлах болон эрүүл мэндийн үзлэг, оношилгоонд хамрагдах эрхийн бичгээр шагнах юм.
Мэдээллийн төв
