Иргэдийн уулзалт, гадуур ажиллах үед өгсөн үүрэг даалгаврын биелэлт 80-аас дээш хувьтай байна
Аймгийн Засаг дарга Б.Зоригтбаяр холбогдох албаныхны хамтаар 2025 оны арваннэгдүгээр сарын байдлаар иргэдийн санал, хүсэлтийн дагуу тулгамдсан 112 асуудлаар газар дээр нь биечлэн очиж ажиллажээ. Тухайн асуудлыг шийдэх чиглэлээр 215 үүрэг даалгаврыг холбогдох байгууллагуудад өгснөөс биелэлт 82 хувьтай байна.
Мөн долоо хоног бүрийн пүрэв гарагт иргэдийг хүлээн авч уулзаж буй. Нийт 26 удаагийн уулзалтаар 300 гаруй иргэнийг хүлээн авч уулзан аймаг, орон нутгийн хөгжил, тулгамдаж буй асуудлын талаар санал, хүсэлтийг нь сонсжээ.
Иргэдийн уулзалтаас 479 үүрэг, даалгаварыг холбогдох хэлтэс, байгууллагад өгснөөс хэрэгжилт 85,2 хувьтай байна. Үүрэг даалгаврын хэрэгжилтийн биелэлтэд хяналт тавьж, тухайн асуудлыг хэрхэн шийдвэрлэсэн талаар иргэдэд эргэн мэдэгдэж байна. Засаг даргын иргэдтэй хийсэн уулзалт, гадуур ажилласан ажлаас өгсөн үүрэг даалгаврын биелэлтийг нэгтгэн 7 хоног бүр Засаг даргад танилцуулан, хэрэгжилтэд хяналт тавьж буй.
Мэдээллийн төв
