Эх хэл-Эрдэнэт хөтөлбөрийн хүрээнд үндэсний бичгийн сургалт тогтмол зохион байгуулж байна
Ирэх 2025 оноос эхлэн төрийн албан хэргийг кирилл, монгол бичгээр хослуулан хөтлөн явуулах бэлтгэлийг хангаж Орхон аймаг "Эх хэл-Эрдэнэт” хөтөлбөрийг 2021 оноос эхлэн хэрэгжүүлж байна.
Өнөөдөр /2023.11.09/ болсон аймгийн Засаг даргын зөвлөлийн хурлаар тус хөтөлбөрийн 2022, 2023 оны хэрэгжилтийг танилцууллаа. Хөтөлбөрийн хүрээнд аймгийн хэлний бодлогын зөвлөлтэй хамтран бүх нийтийг монгол бичигт сургах ажлыг эрчимжүүлж төрийн албан хаагчид болон ЕБС-ийн монгол хэл бичгийн багш нарын үндэсний бичгийн мэдлэг чадварыг дээшлүүлэх сургалтыг тогтмол зохион байгуулж байна.
Тус хөтөлбөрийг хэрэгжүүлснээр төрийн байгууллагын ажилтан албан хаагчдын 90 хувь, хувийн хэвшлийн аж ахуйн нэгжийн ажилтан албан хаагчдын 40 хувийг үндэсний бичгийн анхан, дунд, гүнзгий шатны мэдлэгтэй болгох зорилготой ажээ.
Мэдээллийн төв
