Цас хайлуулах 200 тонн давс, бодис худалдан авна

Өвөлжилтийн бэлтгэл ажлын хүрээнд ирэх өвөл авто замын халтиргаа гулгааг арилгах зорилгоор 200 тонн цас хайлуулах бодис авахаар төлөвлөж орон нутгийн төсөвт 260 сая төгрөг төсөвлөжээ.
Аймгийн хэмжээний 130 км авто замын хальтиргаа гулгааг арилгах зорилгоор жилд 373 тонн цас хайлуулах бодис, давсны хэрэгцээ шаардлага үүсдэг. Өнөөдрийн байдлаар 110,000 кг давс, 10,000 кг бодис, 16 метр куб хайрганы нөөцтэй байна.
Сүүлийн жилүүдэд ОХУ-д үйлдвэрлэгдсэн хүйтэнд цас хайлуулах чанар өндөртэй бодис, шүлтлэг ихтэй, цас хайлуулах чанар өндөр учир Увс аймгийн давсыг тус тус худалдан авч байжээ.
Хот тохижуулах газар нь давс, бодис, хайрга цацах, шүүрдэх тусгай тоноглолттой хоёр автомашин, цас шүүрдэж соруулах зориулалттай автозам цэвэрлэгээний нэг автомашин, цасны трактор нэг, давс бодис цацах зориулалттай бага механикжуулсан тоног төхөөрөмж нэг, зургаан автомашин механзм, зам талбайн цэвэрлэгээ үйлчилгээний жижиг бага оврын зургаан ширхэг механизмыг бэлтгээд байна. Мөн ажиллах хүчний хувьд 144 ажилтан алба хаагчдын бүрэлдэхүүнтэйгээр ажиллах ажээ.

Мэдээллийн төв