2024 оны 05-р сарын 27

“Санхүүгийн салбарын эрхзүйн шинэчлэл” сургалт, хэлэлцүүлэг боллоо 

Санхүүгийн зохицуулах хороо 2013 оноос хойш иргэд, олон нийтийн санхүүгийн мэдлэг, ойлголтыг дээшлүүлэх зорилгоор орон нутгуудад сургалт зохион байгуулж ирсэн уламжлалтай. Дэлхий нийтийг хамарсан ковид цар тахлаас үүдэн сүүлийн жилүүдэд завсардаад байсан сургалт хойд бүсийн аймгуудаас эхэлсэн бөгөөд өнөөдөр манай аймагт боллоо. 

Нээлтийн арга хэмжээнд Санхүүгийн зохицуулах хорооны дарга Д.Баярсайхан, УИХ-ын гишүүн Д.Батлут, аймгийн Засаг даргын орлогч А.Түвшинжаргал болон Монгол үнэт цаасны арилжаа эрхлэгчдийн холбоо, Монголын хөрөнгийн бирж, Үнэт цаасны төвлөрсөн хадгаламжийн төв, банк, үнэт цаас болон даатгалын компаниуд, банк бус санхүүгийн байгууллагууд, хадгаламж зээлийн хоршооны удирдлагууд, холбогдох мэргэжилтнүүд, аймгийн иргэд, олон нийт оролцлоо. 

Санхүүгийн зохицуулах хороо нь  хууль тогтоомжоор заасан чиг үүргээ хэрэгжүүлэх хүрээнд үнэт цаасны буюу хөрөнгийн зах зээл, даатсгалын салбар, банк бус санхүүгийн байгууллага, хадгаламж зээлийн хоршоо зэрэг уламжлалт салбаруудыг зохицуулах чиг үүрэгтэй байгууллага юм.  Хөрөнгийн зах зээл, даатгал, банк бус санхүүгийн салбар, хадгаламж зээлийн хоршоо гэсэн дөрвөн салбарыг анх хариуцаж байсан бол холбогдох хуулиудад орсон нэмэлт өөрчлөлт, шинээр батлагдсан эрх зүйн орчинтой холбоотойгоор хэд хэдэн чиг үүрэг нэмэгдэж, өнөөдрийн байдлаар 11 салбарын 6000 гаруй зохицуулалттай этгээдийн үйл ажиллагаанд хяналт тавьж байгаа ажээ. 

2018 онд Санхүүгийн зохицуулах хороо ДНБ-ний 18 хувийг бүрдүүлж байсан бол 2022 онд 23,2 хувийг бүрдүүлсэн нь өнгөрсөн хугацаанд санхүүгийн зэх зээлийг хөгжүүлэх бодлого, зохицуулалтын багц арга хэмжээнүүд хэрэгжүүлсний үр дүн гэдгийг тус хорооны дарга Д.Баярсайхан үйл ажиллагааг нээж хэлсэн үгэндээ онцолсон. 

2023 он гарсаар зах зээлийн үнэлгээ 9 их наяд төгрөгт хүрсэн нь түүхэн дээд хэмжээндээ хүрээд байгааг ч мөн тэрээр хэлж байв. 

Үүний дараа УИХУ-ын гишүүн Д.Батлут үг хэлсэн. Тэрээр, Улсын Их Хурлаас төрийн өмчит компаниудын хувьчлал болоод виртуал хөрөнгийн үйлчилгээ үзүүлэгч, уул уурхайн бүтээгдэхүүний бирж, мөнгөн зээлийн үйл ажиллагааг зохицуулах эрх зүйн орчныг бүрдүүлэхтэй холбоотой нэр бүхий хуулиуд, бодлогын баримт бичгүүдийг баталсан. Мөн даатгалын зах зээлийн эрх зүйн орчныг боловсронгуй болгох хүрээнд Даатгалын тухай хууль, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулиудад нэмэлт, өөрчлөлт оруулснаар даатгалын компаниуд холбогдох этгээдээс бусад этгээдэд баталгаа, батлан даалт гаргах, төрийн худалдан авах ажиллагаанд даатгалын компанийн гаргасан баталгааг хүлээн авах боломжийг бүрдүүлсэн. 

    Санхүүгийн зохицуулах хорооны хувьд холбогдох хууль, тогтоомжийн хэрэгжилтийг хангаж ажиллахад онцгой анхаарч, өөрийн чиг үүргийн хүрээнд шинээр зохицуулалтадөорж буй салбаруудыг бодлого, зохицуулалтаар хангах ажлыг шуурхай, үр дүнтэйгээр хэрэгжүүлсэн. Түүнчлэн хөрөнгийн зах зээлийг хөгжүүлэх чиглэлээр авч хэрэгжүүлсэн арга хэмжээ болоод банкны салбарын реформын үр дүнд хөрөнгийн зах зээлийн үнэлгээ, үнэт цаасны арилжааны хэмжээ өсөж, эдийн засагт гүйцэтгэх үүрэг нэмэгдэж байгааг онцлох нь зүйтэй” гэв. 

Орхон аймаг иргэдийнхээ санхүүгийн боловсролыг дээшлүүлэх, мэдлэгийг нэмэгдүүлэх чиглэлээр орон нутгаас хэрэгжүүлж буй баримт  бичгүүдэд хэд хэдэн зүйлийг тусгасан. Тэдгээрийн нэг нь “Иргэдийн төсөв” гэдгийг Засаг даргын орлогч А.Түвшинжаргал хэлж байв. Улс болон орон нутгийн хөрөнгө оруулалтаар хийгдэж буй ажлын мэдээлэл, хөрөнгө оруулалтын зарцуулалтын мэдээллийг цахим болон товхимол хэлбэрээр иргэдэд хүргэж буй “Иргэдийн төсөв”-өөс харах боломжтой юм. 
    Сургалт, хэлэлцүүлгийн үеэр Санхүүгийн зохицуулах хорооноос хөрөнгийн зах зээлийн бодлого зохицуулалт, өнөөгийн нөхцөл байдал, Хорооны зохицуулалтад шинээр ороод буй мөнгөн зээлийн үйл ажиллагааг зохицуулах хууль эрхзүйн орчин, зах зээлийн нөхцөл байдал мөн даатгалын салбарын хууль эрхзүйн орчны шинэчлэлт, мөнгө угаах болон терроризмыг санхүүжүүлэхтэй тэмцэх, иргэд, олон нийтэд тулгардаг нийтлэг асуудал, санхүүгийн залилан, луйвраас хэрхэн сэргийлэх талаар мэдээллийг аймгийн төрийн албан хаагчид, иргэдэд өгсөн. 

Мөн Худалдаа хөгжлийн банкны гүйцэтгэх захирал О.Орхон, Голомт банкны захирал Д.Бадрал нар  банкуудынхаа үйл ажиллагаа болон хувьцааны талаар,  Хөрөнгийн биржийн Хяналт, зохицуулалтын газрын захирал А.Мөнхбаясгалан төрийн өмчит компаниудын хувьчлалын үйл ажиллагааны талаар  мэдээлэл өглөө. 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64266

Facebook

Цаг агаар

Вебийн статистик

Таны IP хаяг: 3.215.186.30
  • 4 Онлайн
  • 327 Өнөөдөр
  • 302 Өчигдөр
  • 4134 Долоо хоногт
  • 12238 Сүүлийн сард
  • 6947765 Нийт хандалт