Аймгийн хэмжээнд “Хаврын их цэвэрлэгээ”-г зохион байгуулах үүрэг даалгавар өглөө
Даваа гаригийн Засаг даргын шуурхай зөвлөгөөнөөр Баян-Өндөр, Жаргалант сумдын удирдлагууд цаг үеийн асуудлаар мэдээлэл хийлээ. Баян-Өндөр сумын хэмжээнд энэ сарын 3-ны өдрийн байдлаар 1484 м куб буюу 371 портер модны нөөцтэй 450-480 мянган төгрөг, нүүрсний нөөц 150 мянган тонн, нэг шуудай нүүрс 8000-1000, портер буюу 2 тонн нүүрс 350 мянган төгрөгийн үнэтэйгээр худалдаалж байна.
Түлшний модны нөөц бүрдүүлэх, үнийн өсөлтийг бууруулах зорилгоор хөнгөлөлттэй түлшний модыг 260 иргэнд 350 мянган төгрөгөөр олголоо гэж мэдээлэв.
Шуурхайн төгсгөлд Засаг даргын орлогч А.Түвшинжаргал хэд хэдэн үүрэг даалгавар өглөө.
- Үүнд, хотын хэмжээнд “Хаврын их цэвэрлэгээ”-г зохион байгуулахыг сумдын удирдлагууд, бүх шатны төрийн байгууллагын удирлагуудад үүрэг болголоо.
- Төрийн байгууллагууд улирлын болон жилийн ажлын төлөвлөгөөнд тусгагдсан ажлуудаа хурдан шуурхай зохион байгуулж, иргэд олон нийтэд хүргэх,
- Шар усны үер бууж болзошгүй буудаг газруудын айл өрхүүдийн судалгааг гаргаж, урьдчилан сэргийлэх зөвлөмж, зөвлөгөөг өгөх зэрэг үүрэг даалгаврыг өглөө.
Мэдээллийн төв
