2024 оны 04-р сарын 13

Өвлийн спортын наадмын снөүбоардын улсын  аваргууд тодорлоо 

 Монголын бүх ард түмний спортын өвлийн XVI наадам, Монголын хүүхдийн спортын өвлийн VII наадам Нөхөрлөл-Тэмүүлэл-Амжилт уриан дор өнөөдөр снөүбоардын төрлөөр эхэлж, улсын аваргууд тодорлоо.

Насанд хүрэгчид болон өсвөр нас, 14 хүртэлх гэсэн гурван насны ангиллаар фрийстайл, параллель слалом эмэгтэй, эрэгтэй төрлөөр  нийслэлийн Хан-Уул, Багануур, Баянзүрх, Төв, Орхон зэрэг аймаг дүүргийн 40 тамирчин хурд хүч авхаалж самбаагаа сорив. Шагналыг Биеийн тамир, спортын улсын хорооны Спортын бодлогын хэрэгжилтийн хэлтсийн дарга Б.Нямсүрэн, аймгийн Биеийн тамир, спортын газрын дарга Д.Дэлгэрбаяр, "Эрдэнэт үйлдвэр" ТӨҮГ-ын Спорт цогцолборын захирал Ш.Даваахүү болон бусад албаны хүмүүс гардуулав. 
 

Тэмцээний шүүгч Монголын снөүбоардын холбооны удирдах зөвлөлийн гишүүн Ж.Отгонбор “Сүүлийн жилүүдэд снөүбоардаар хичээллэгсдийн сонирхол ихээхэн нэмэгдсэн. Улаанбаатар хотод скай ресорт цанын бааз дээр тамирчид маань бэлтгэл сургуулилтаа хийдэг. Өөр газар, өөр зам дээр үзүүлбэр үзүүлж, өрсөлдөнө гэдэг  тамирчдын хувьд их сонирхолтой байна. Орхон аймагт снөүбоардын спорт хөгжих боломж дүүрэн байна” гэсэн. 

Монголын хүүхдийн спортын өвлийн VII  наадмын 14 хүртэлх насны параллель слалом эрэгтэй төрөлд  Төв аймгаас оролцсон 7 настай Т.Ирмүүн тэргүүн байр эзэллээ. Түүний хувьд снөүбоардаар гурван жил хичээллэж байгаа, хамгийн бяцхан тамирчин байлаа. 

Мөн параллель слалом, фристайл  эмэгтэй хоёр  төрөлд Баянгол дүүргийн тамирчин 13 настай М.Есүй тэргүүн байр эзэлсэн. Түүний хувьд снөүбоардаар дөрөв дэх жилдээ хичээллэж байгаа бөгөөд 2021 оны улирлын нээлтийн тэмцээний мөнгөн медаль, 2021-2022 оны УАШ тэмцээний алтан медаль, 2022-2023 оны улирлын нээлтийн тэмцээний алтан медаль, 2023 оны клубуудын аваргын алтан медальт тамирчин юм. 

Монголын бүх ард түмний спортын өвлийн XVI наадам снөүбоардын насанд хүрэгчдийн эрэгтэй төрөлд Улаанбаатар хотоос оролцсон Монгол Улсын долоон удаагийн аварга Б.Дамдиндорж тэргүүн байр эзэллээ.  Тамирчид зохион байгуулалт, зам талбайн дэд бүтцийн талаар сэтгэл хангалуун байгаагаа илэрхийлэв. 

Засгийн газрын тогтоолоор дөрвөн жилд нэг удаа зохион байгуулдаг өвлийн спортын наадмын төрлүүдэд анх удаа снөүбоардын төрөл орж байгаагаар онцлог болж байна. 

Насанд хүрэгчид Снөүбоардын эрэгтэй 
1.    Бэгзсүрэн Дамдиндорж /Сонгинохайрхан дүүрэг/
2.    Ганбаатар Ганзориг / Багануур дүүрэг/
3.    Ганбаатар Зоригт /Баянзүрх дүүрэг/

15-18 хүртэлх нас Снөүбоард слалом Эмэгтэй
1.    Ганболд Анхбаяр /Орхон аймаг/ 
2.    Ялалт Энх-Үүл /Чингэлтэй дүүрэг/
3.    Үржинсүрэн Анударь/Баянгол дүүрэг/
 

14 хүртэлх нас Снөүбоард-Фрийстайл Эрэгтэй 
1.    Түмэн-Өлзий Тэнүүн/ Төв аймаг/
2.    Баттүшиг Тогтуун / Баянзүрх дүүрэг/
3.    Мөнхзалгамж Тэгшдүүрэн /Сүхбаатар дүүрэг/

14 хүртэлх нас Снөүбоард-Фрийстайл Эмэгтэй 
1.    Мөнхчулуун Есүй/ Баянгол дүүрэг/
2.    Сандагдорж Эгшиглэн/ Баянзүрх дүүрэг/

15-18 нас Снөүбоард-Фрийстайл Эрэгтэй 
1.    Түмэн-Өлзий Ирмүүн/ Төв аймаг/ 
2.    Алтанзул Пүрэвдаваа /Сонгинохайрхан дүүрэг/
3.    Эрдэнэчулуун Цэлмүүн / Чингэлтэй дүүрэг/

Снөүбоард-Фрийстайл Эрэгтэй 
1.    Ганбаатар Ганзориг / Багануур дүүрэг/
2.    Мөнхөө Шинэтөр / Баянзүрх дүүрэг/
3.    Мягмарсүрэн Мөнх-Ертөнц / Орхон аймаг/

Снөүбоард-Фрийстайл Эмэгтэй 
1.    Ялалт Энх-Үүл /Чингэлтэй дүүрэг/
2.    Үржинсүрэн Анударь/Баянгол дүүрэг/

14 хүртэлх нас Параллель слалом Эрэгтэй 
1.    Түмэн-Өлзий Ирмүүн /Төв аймаг/ 
2.    Мөнхзалгамж Тэгшдүүрэн /Сүхбаатар дүүрэг/
3.    Батхишигийн Тогтуун / Баянзүрх дүүрэг/

14 хүртэлх нас Параллель слалом Эмэгтэй 
1.    Мөнхчулуун Есүй/ Баянгол дүүрэг/
2.    Сандагдорж Эгшиглэн/ Баянзүрх дүүрэг/

15-18 хүртэлх нас Снөүбоард слалом Эрэгтэй 
1.    Түмэн-Өлзий Ирмүүн /Төв аймаг/
2.    Тэрбиш Эрмүүн / Баянгол дүүрэг/
3.    Эрдэнэчулуун Цэлмүүн / Чингэлтэй дүүрэг/ 

Мэдээллийн төв 
 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64246

Facebook

Цаг агаар

Вебийн статистик

Таны IP хаяг: 3.234.244.181
  • 3 Онлайн
  • 59 Өнөөдөр
  • 693 Өчигдөр
  • 9674 Долоо хоногт
  • 13123 Сүүлийн сард
  • 6928335 Нийт хандалт