2023 оны 02-р сарын 08

Орхон аймаг, “АЧИТ-ИХТ” ХХК 2022 оны хамтын ажиллагаагаа дүгнэж, 2023 оны төлөвлөгөөг хэлэлцэв  

Засаг даргын орлогч А.Түвшинжаргал  ахалсан ажлын хэсэг өнөөдөр хуралдаж  Орхон аймаг, “АЧИТ-ИХТ” ХХК 2022 оны хамтын ажиллагааны төлөвлөгөөний биелэлтийг дүгнэж, 2023 оны хамтын ажиллагааны төлөвлөгөөнөө талаар хэлэлцлээ. 

2022 оны хамтын ажиллагааны  төлөвлөгөөнд “Тэрбум мод” үндэсний хөдөлгөөн, “Ногоон Эрдэнэт” хөтөлбөрийн хүрээнд мод үржүүлгийн газар байгуулах, боловсрол, хүүхэд залуусын хөгжилд хувь нэмэр оруулах, ажлын байр нэмэгдүүлэх, бизнес эрхлэгчдийг дэмжих чиглэлээр хамтын ажиллагааны хороогоор хэлэлцэн зөвшилцөж тус бүр 7 арга хэмжээг тусгаж,  100 хувийн биелэлттэй дүгнэгдэж байна.  

Тухайлбал, Хог хаягдлын менежментийн чиглэлээр хогийн цэгийн 32 га газрын хогийг хумж цэвэрлэхэд машин механизмаар тусалж,  1440 метр куб хог хаягдлыг дарж булшилж , хог хаягдлын талбайн нөхөн сэргээлтэнд 1200 метр куб хар шороог ачиж тээвэрлэсэн. 

Мөн “Тэрбум мод” үндэсний хөдөлгөөний хүрээнд Орхон аймгийн Баян-Өндөр сумын ИТХ-ын шийдвэрээр Баянцагаан багийн нутаг дэвсгэр Шарчулуутын аманд 135 га ойн санг “Ачит-Ихт” ХХК-ний охин компани “ Далайн хошууны шинэс” ХХК-д гэрээгээр эзэмшүүлж, мод үржүүлгийн газар байгуулсан2900 ш хайлаас тарьж,шинэсийн үрсэлгээг хийж,   нийт 720 сая төгрөгийн хөрөнгө оруулалтыг хийжээ. 

 2022 онд орон нутгийн нийт 24 иргэнийг ажлын байраар хангасан байна. Үүнээс 15 хүнийг байнгын ажлын байраар, 9 хүнийг түр ажлын байраар хангаж, орон нутгийн хөгжлийн бэрхшээлтэй нэг иргэнийг байнгийн ажлын байраар хангасан байна. 

Боловсрол, эрүүл мэндийн салбарт 57,3 сая төгрөгийн хөрөнгө оруулалтаар ЕБС-ийн 14 дүгээр сургуульд химийн кабинетийг иж бүрэн байгуулж, сургалтын хэрэглэгдэхүүнээр хангасан. Химийн кабинетэд 10-12 дугаар ангийн 136 сурагч, 6-11 дүгээр ангийн 639 сурагч хамрагдан сорилт, туршилтын хичээл орж байна.
2023 оны хамтын ажиллагааны төлөвлөгөөг хэлэлцэж, талууд саналаа нэгтгэлээ. 

Мэдээллийн төв 


 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.239.119.61
  • 10 Онлайн
  • 1233 Өнөөдөр
  • 770 Өчигдөр
  • 2003 Долоо хоногт
  • 3067 Сүүлийн сард
  • 6704280 Нийт хандалт