2024 оны 03-р сарын 29

АНУ-ын Энх тайвны корпусын сайн дурын дөрвөн ажилтан Орхон аймагт ажиллана

АНУ-ын Энх тайвны корпусын сайн дурын ажилтнууд хоёр жилийн хугацаанд Орхон аймаг, Эрдэнэт хотод ажиллахаар ирээд  байна.  Өнөөдөр тэднийг Засаг даргын орлогч А.Түвшинжаргал хүлээн авч уулзлаа.  АНУ-ын Энх тайвны корпус  Монгол Улсад үйл ажиллагаагаа эхлүүлж, анхны сайн дурын ажилтнуудаа илгээснээс хойш 31 жил болж байна.

 Энэ хугацаанд Монгол Улсад 1500 орчим сайн дурын ажилтнууд ажиллаж, боловсролын болон бусад салбарын хөгжилд үнэтэй хувь нэмрээ оруулсаар ирсэн.   Энэ жил Монгол Улсад Энх тайвны корпусийн сайн дурын 22 ажилтан ирсний  4 нь Орхон аймаг, Эрдэнэт хотод хоёр жилийн турш ажиллаж, амьдрах юм.

АНУ-ын Техас, Нью-Жерси, Миннесота зэрэг мужаас ирсэн сайн дурын ажилтнууд цар тахлын дараах анхны сайн дурын  ажилтнаар томилогдож,  Орхон аймаг, Эрдэнэт хотод ирсэндээ сэтгэл хангалуун байгаагаа илэрхийлэв. Энх тайвны корпус нь 2022-2025 он хүртэлх хугацаанд “Англи хэлний боловсрол, хамт олны шинэ хөгжил” хөтөлбөрийг хэрэгжүүлэхээр эхлүүлжээ.  

Энэ хүрээнд сайн дурын ажилтнууд аймгийн  ерөнхий боловсролын 4,7,8,18 дугаар сургуульд ажиллана.  Энх тайвны корпус нь боловсрол, эрүүл мэнд, орон нутагт түшиглэсэн хүүхэд, залуучуудын хөгжил, бизнес, байгаль орчин, төрийн бус байгууллагын хөгжил зэрэг салбарт богино болон урт хугацааны хөтөлбөр, тэр дундаа англи хэлний боловсролын хөтөлбөрийг олон жилийн турш тогтвортой хэрэгжүүлж, монголчуудын нийгмийн хөгжилд үнэтэй хувь нэмэр оруулсаар ирсэн билээ.

Мэдээллийн төв

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 54.89.24.147
  • 1 Онлайн
  • 325 Өнөөдөр
  • 539 Өчигдөр
  • 2244 Долоо хоногт
  • 19535 Сүүлийн сард
  • 6914303 Нийт хандалт