2024 оны 03-р сарын 29

Ирэх сарын 6-13-ны өдрүүдэд Орхон аймаг өвлийн спортын ХОЁР наадмаар “амьсгална”

Монголын бүх ард түмний спортын өвлийн 16 дугаар их наадам, Монголын хүүхдийн спортын өвлийн 7 дугаар наадам  Нөхөрлөл-Тэмүүлэл-Амжилт уриан дор хоёрдугаар сарын 6-13-ны өдрүүдэд Орхон аймагт  болох гэж байна.  

Өнөөдөр Засаг даргын орлогч, зохион байгуулах хорооны дарга А.Түвшинжаргал, Тэмцээний зам талбай байгуулах, баг тамирчдын бэлтгэлжилт, оролцоо хариуцсан дэд хорооны дарга, Биеийн тамир спортын газрын дарга Д.Дэлгэрбаяр, Хэвлэл мэдээлэл, маркетинг сурталчилгаа хариуцсан дэд хорооны дарга, аймгийн ЗДТГ-ын Мэдээллийн төвийн ахлах ажилтан В.Цэндхүү болон Соёл урлаг, тэмцээний нээлт, хаалт, шагнал гардуулах үйл ажиллагаа хариуцсан дэд хорооны гишүүн, туслах найруулагч Б.Ренцэнмядаг нар  спортын наадмын бэлтгэл ажил зохион байгуулалтын талаар олон нийтэд мэдээлэл өглөө. 

Биеийн тамир, спортын хөгжлийг эрчимжүүлэх, өвлийн спортын төрлүүдийн авьяаслаг тамирчдыг нээн илрүүлэх, тэдний ур чадварыг дээшлүүлэн, багш дасгалжуулагчдыг дэмжих, тив, дэлхийн тэмцээнд өрсөлдөх тамирчдыг төрүүлэн гаргах, нийтийн биеийн тамир, их спортын хөгжлийн цаашдын чиг хандлагыг тодорхойлох зорилгоор Засгийн газрын тогтоолоор  дөрвөн жилд нэг удаа зохион байгуулдаг билээ.  Засгийн газрын 2018 оны “Журам батлах тухай” 183 дугаар тогтоолын хавсралтаар батлагдсан “Улсын хэмжээний спортын наадам зохион байгуулах журам”-ын 2.1-д заснаар Монголын бүх ард түмний спортын зуны болон өвлийн наадмыг дөрвөн жилд нэг удаа, Монголын хүүхдийн спортын наадмын зуны болон өвлийн төрлийг хоёр жил тутам нэг удаа зохион байгуулахаар журамласан. Уг журмын 3-д “Наадам зохион байгуулах аймаг, хотыг сонгон шалгаруулах журмыг баталсан. 

Уг журмын дагуу Орхон аймаг, Баянхонгор аймаг  өвлийн спортын төрлийн хоёр  их наадмыг орон нутагтаа зохион байгуулах эрхийн төлөө өрсөлдөж, сонгон шалгаруулалтад оролцсон. Биеийн тамир спортын улсын хорооноос ажлын хэсэг  2022 оны аравдугаар сард  Орхон аймагт ажиллаж, аймгийн өвлийн спортын барилга  байгууламж, зам, талбайн орчин, дэд бүцэц, худалдаа, үйлчилгээний байгууллагуудын хүчин чадал зэрэгтэй танилцаж 10 гаруй шалгуур үзүүлэлтийг тавьсанаар өвлийн спортын их наадмыг Орхон аймаг орон нутагтаа  зохион байгуулах эрхийг авсан билээ.

Аймаг, орон нутгийнхаа онцлогийг гаргаж, орон нутгаа сурталчлах нь  зохион байгуулагч аймгийн давуу тал юм. Орхон аймаг, Эрдэнэт хотын билэг тэмдэг  хүчит арслангаар Монголын бүх ард түмний спортын өвлийн 16 дугаар их наадмыг билэгдсэн бол  Монголын хүүхдийн спортын өвлийн 7 дугаар наадмын билэгдэл  уламжлал ёсоор “ГАЛХҮҮ”  байна.  Хүүхдийн наадмын спортын наадмын лого нь алтан соёмбот үсгийн нар, сар, гал гурвын дүрслэл бөгөөд дараа дараагийн хүүхдийн спортын наадмын далбаа болж зохион байгуулах эрх авсан аймаг, хот, дүүрэгт шилжин явах онцлогтой юм. Наадмын билэгдэл “Галхүү”-г  хүүхдийн наадмын логоноос сэдэвлэн бүтээсэн  галын дөл бөгөөд үргэлж мандан бадарч байхыг билэгдсэн. Наадмын билэгдлийг хүүхдүүдэд танил байлгах үүднээс “Галхүү” хэмээн нэрлэжээ.  Мөн Орхон аймаг, Эрдэнэт хотыг зэс, оюу өнгөөр тодорхойллоо. Шаргал өнгөөр зэсийг, номин ногоон өнгөөр оюуг, цайвар цэнхэр өнгөөр мөсийг билэгдэн энэ удаагийн өвлийн спортын наадмын өнгө төрхийг тодорхойлж, хоёрдугаар сарын 6-13-ны өдрүүдэд Орхон аймаг өвлийн спортоор амьсгалахаар ийн  бэлтгэлээ хангаж байна.

Засаг даргын орлогч, зохион байгуулах хорооны дарга А.Түвшинжаргал:
-Улсын хэмжээний томоохон спортын наадмыг аймаг, орон нутагтаа зохион байгуулах ач холбогдлыг бид их өргөн хүрээнд харж  байгаа. Аймаг, орон нутгаа сурталчилхаас гадна өрхийн үйлдвэрлэл, жижиг дунд үйлдвэрлэл эрхлэгчдийнхээ эдийн засгийг  сэргэж, орлогыг  нэмэгдүүлэх үндсэн зорилготой. Өвлийн спортын наадам болох дээрх өдрүүдэд Орхон аймагт тамирчид, дасгалжуулагчид, зочид төлөөлөгчид нийлсэн 2300 2500 орчим хүн ирнэ гэсэн тооцоолол бий.  Мөн энэхүү уралдаан, тэмцээнээр дамжуулан Орхон аймагт шинээр ирж, шилжин суурьших иргэдийн сонирхлыг нэмэгдүүлэх томоохон зорилго бий. Тамирчдыг бүртгэх цахим систем нэгдүгээр сарын 6-нд нээгдэж, энэ сарын 18-ны 22:00 цагт хаагдсан. Биеийн тамир, спортын  улсын хороон дээр аль дүүрэг, аймгаас  хэдэн тамирчин ирэх  мэдээлэл эцсийн байдлаар нэгтгэгдэж, өвлийн спортын хоёр их наадамд  нийслэлийн 9 дүүрэг, 19 аймгаас 700 тамирчид дасгалжуулагчид оролцоно. Тамирчид, дасгалжуулагчид, гадна дотнын зочид төлөөлөгчид нийлсэн 2300-2500 хүн өвлийн спортын наадмын өдрүүдэд Орхон аймагт зочилно гэсэн тооцооллыг гаргасан. Энэ хэрээрээ Орхон аймаг, Эрдэнэт хот хөл хөдөлгөөнтэй байна гэсэн үг юм. Дүүрэг, аймгуудаас ирсэн баг тамирчдад чөлөөт цагаараа хөнгөлөлттэй үнээр кино үзэх, аймгийн Хүүхэлдэйн театрт жүжиг  үзэх, “Эрдэнэт” үйлдвэрийн виртуал цахим музейг үзэж сонирхох боломжийг олгоно. Биеийн тамир, спортын улсын хорооноос гаргасан удирдамж дээр тэмцээнд, оролцох цаг тамирчдын бүхй л зардлыг тухайн аймаг хариуцна гэж заасан. Тэгэхээр тухайн аймаг өөрсдийн санхүүгийн боломж дээр тулгуурлан сонголтоо хийнэ. Мөн бид зочид буудал, нийтийн хоолны газруудын зэрэглэл, үнийн талаарх мэдээллийг аймгууд руу хүргүүлсэн. Аймгууд уг мэдээлэл дээр үндэслэн Орхон аймаг, Эрдэнэт хотод байрлах буудал, хоолны газрынхаа сонголтыг хийнэ. 


Тэмцээний зам талбай байгуулах, баг тамирчдын бэлтгэлжилт, оролцоо хариуцсан дэд хорооны дарга, Биеийн тамир спортын газрын дарга Д.Дэлгэрбаяр:
-Наадмыг өвлийн олимпийн наадмын хөтөлбөрт багтдаг гүйлтийн цана, уулын цана, гүйлтийн тэшүүр, шорт трейк, шайбтай хоккей, снөүборд  гэсэн зургаан спортын төрлийн зай, ангиллаар  зохион байгуулна. Орхон аймгаас 99 тамирчин оролцохоор бэлтгэл, сургуулилтаа хийж байна. Өвлийн наадмын гүйлтийн тэшүүр, шорт трейкийн тэмцээн  Цэнгэлдэх хүрээлэнд, шайбтай хоккейн тэмцээн орос 19 дүгээр сургуулийн гадна талбайд, гүйлтийн цана, уулын цана, снөүбордийн тэмцээн Сархиа цанийн бааз дээр болно.  Өнөөдрийн байдлаар зам талбайг бэлдэх үндсэн ажил дуусч зам цэвэрлэгээ, мөс өнгөлөх зэрэг өдөр тутмын ажил хийгдэж байна. 
Энэ сарын 19-нд . Биеийн тамир, спортын  улсын хорооноос ажлын хэсэг манай аймагт ажиллаж, өвлийн наадмын зохион байгуулалтынн бэлтгэл ажил, ззм талбайтай танилцсан. Энэ үеэр тэмцээний зам талбайг маш сайн бэлдсэн байна гэдгийг онцолсон. Тэмцээнд оролцох аймгуудын тамирчид эхнээсээ ирж, бэлтгэл сургуулилтаа хийгээд эхэлсэн. Тухайлбал, Хөвсгөл, Архангай, Булган аймгийн тамирчид ирсэн байна. 


Соёл урлаг, тэмцээний нээлт, хаалт, шагнал гардуулах үйл ажиллагаа хариуцсан дэд хорооны гишүүн, туслах найруулагч Б.Ренцэнмядаг:
-Өвлийн спортын наадмын нээлт болон хаалтын үйл ажиллагаанд аймгийн 200 сурагчид оролцохоор бэлтгэл сургуулилтаа хийж байна. Тухайлбал, “Уран эгшиг” урлагийн сургуулийн уран нугаралт, хөгжмийн ангийн сурагчид,  14 дүгээр сургуулийн гимнастикийн дугуйлан, “Эрдэнэт” соёл урлагийн цогцолборын дугуйлангийн ангийн сурагчид Монголын бүх ард түмний спортын өвлийн 16 дугаар их наадам, Монголын хүүхдийн спортын өвлийн 7 дугаар наадмын нээлт, хаалтын тоглолтод оролцоно. Мөн нээлтийн нэг онцлог нь асрлан, эрслэн, бамбар байх болно. Арслан Орхон аймаг Эрдэнэт хотын билэгдэл байдаг. Энэ утгаараа Монголын бүх ард түмний спортын өвлийн 16 дугаар их наадмын билэгдэл болж байгаа. 
 

Мэдээллийн төв  

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 3.93.162.26
  • 2 Онлайн
  • 112 Өнөөдөр
  • 357 Өчигдөр
  • 2388 Долоо хоногт
  • 19679 Сүүлийн сард
  • 6914447 Нийт хандалт