“Өвлийн идэш-2022” арга хэмжээг зохион байгуулна

Өнгөрсөн долоо хоногийн Засаг даргын шуурхай зөвлөгөөн дээр “Өвлийн идэш-2022” арга хэмжээг зохион байгуулах үүргийг Хүнс, хөдөө аж ахуйн газар, Мал эмнэлгийн газарт өгсөн. Дээрх хоёр байгууллагаас аймгийн хэмжээнд нийт өрхийн хэдэн хувь нь өвлийн идэш бэлтгэдэг гэх судалгааг сумдын ЗДТГ-тай хамтран хийж эхэлжээ.

Уг арга хэмжээг ирэх арванхоёдугаар сард зохион байгуулах юм. Түүнчлэн арга хэмжээний үеэр эрүүл бүсээс Мал эмнэлгийн цахим гэрчилгээтэй хүнсний аюулгүй байдал, эрүүл ахуйн шаардлага хангасан мах худалдан борлуулахад хяналт тавьж, шаардлагатай тохиолдолд Мал эмнэлгийн лабораторид магадлан шинжилгээг хийж гүйцэтгэхээр бэлтгэл ажлыг хангаж байна.

Мэдээллийн төв