Даваа гаригийн Засаг даргын шуурхай зөвлөгөөн боллоо
Даваа гаригийн Засаг даргын шуурхай зөвлөгөөнийг Засаг даргын орлогч А.Түвшинжаргал удирдан явууллаа. Шуурхай зөвлөгөөний эхэнд ЗДТГ-ын Хяналт шинжилгээ, үнэлгээний хэлтсийн дарга М.Жанболат өнгөрсөн долоо хоногт газар, хэлтсүүдэд өгсөн үүрэг даалгаврын биелэлтийг танилцууллаа.
Өнгөрсөн долоо хоногт “ЭУДТС” ОНӨХК-д халааллтай холбоотой ирж буй гомдол мэдээллийн дагуу газар дээр нь ажиллаж, арга хэмжээ авахыг үүрэг болгосон.
Энэ сарын 1-11-ний өдрүүдэд иргэдээс халаалттай холбоотой 22 гомдол мэдээлэл ирснийг хэмжилт хийж ажилласан гэх биелэлтийг тус газраас ирүүлжээ. Тодруулбал, энэ сарын 20-нд буюу өнгөрөгч ням гаригт “ЭУДТС” ОНӨХК, Хотын захирагчийн алба, “ЭДЦС” ТӨХК-тай хамтарсан ажлын хэсэг 4 байрны 11 айл өрхөөр орж халаалтын үзлэг, шалгалт хийсэн байна. Ингэхэд тасалгааны температур хамгийн багадаа нэмэх 19.4, хамгийн ихдээ 23.9 хэмтэй байсан гэж мэдээллээ.
Мэдээллийн төв
