Халаалт өгсөнтэй холбоотойгоор зарим хэсэгт гарсан доголдлыг хэвийн горимд оруулахаар ажиллаж байна
Айл өрхийн халаалтыг энэ сарын 14-нөөс өгсөн. Халаалт өгөхтэй холбоотойгоор энэ сарын 4-нөөс шугам дүүргэлтийн ажлыг гүйцэтгэсэн. Өнөөдрийн байдлаар айл өрхүүдээс хий авах ажил үргэлжилж байна. Халаалт өгсөнтэй холбоотойгоор зарим хэсэгт доголдол үүсээд буй.
Энэ талаар “Эрдэнэт Ус” ОНӨХК-ийн Ерөнхий инженер Д.Содномжамцаас тодруулахад “II, III микрт халаалт доголдолтой байна. Мөн Баянбулагийн ЦТП-ээс тэжээгддэг Гок Гардены байрны халаалт, халуун ус нь доголдолтой байгаа. Яагаад доголдол гарсан бэ гэхээр ЦТП дээр ирж байгаа усны даралт, температур зөвшөөрөгдөх хэмжээнээс бага байгаатай холбоотой юм. ЦТП дээр ирж, буцах усны даралтын зөрүү гэж байдаг. Тухайн ЦТП-ээр цагт урсан өнгөрөх усны хэмжээ гэж бий. Нэг цагт 40 тонн ус урсаж байвал тэндээс айл, өрхөд очих халаалт хэвийн байна. Үүнээс бага байхаар горим алдагдаж доголдол үүсч байгаа. Үүнийг хэвийн горимд оруулахаар мэргэжлийн байгууллага ажиллаж байна. Эко хороолол орчмын баруун хэсэг буюу Танил зах орчмын 6 айлын шугам задарч гэмтэл үүссэн. Тухайн хэсгийн АНН болон айл өрх хамтарч эвдрэл гарсан шугамаа янзалсны дараа халаалтаа авахаар тохиролцсон. Мөн өнгөрсөн баасан гаригт Говил багийн Хонхорт шугам цоорсныг 24 цагийн дотор засварлаж, дүүргэлтээ хийн хэвийн горимд шилжсэн” гэлээ.
Мэдээллийн төв
.jpg)
