2022 оны 09-р сарын 28

Энэ оны эхний долоон сарын байдлаар 569 ажлын байр шинээр бий болж, өнгөрсөн оны  мөн үеэс 12.7 хувиар өсчээ 

Аймгийн нийгэм, эдийн засгийн 2022 оны эхний 7 сарын дүнгийн танилцуулгын талаар Статистикийн хэлтсээс мэдээлэл хийлээ.  Тайлант хугацаанд 1071 ажлын байр бий болж 53.1 хувь буюу 569  ажлын байр шинээр бий болсон байна. Нийт бий болсон ажлын байрны 0.7 хувь нь мэдээлэл, холбооны салбарт 2.9 хувь нь удирдлагын  болон дэмжлэг үзүүлэх үйл ажиллагааны салбарт 10.8 хувь нь боловсролын салбарт, 14.5 хувь нь үйлчилгээний бусад үйл ажиллагааны салбарт, 16.7 хувь нь худалдааны салбарт, 19.9 хувь нь боловсруулах үйлдвэрлэлийн  салбарт, 34.5 хувь нь бусад салбарт бий болжээ. 

        Өмнөх оны мөн үеэс нийт бий болсон ажлын байр 32.7 хувиар, шинээр бий болсон ажлын байр 12.7 хувиар нэмэгджээ. Хөдөлмөр, халамжийн үйлчилгээний газарт 1024 хүн бүртгэлтэй байгаагийн 55.6 хувь нь эмэгтэйчүүд ба бүртгэлтэй ажилгүйчүүдийн тоо өмнөх оны мөн үеэс 40.8 хувиар буюу 707 хүнээр бага байна. 
Нийт бүртгэлтэй ажилгүйчүүдийн 39.8 хувь нь 25-34 насныхан, 29.5 хувь нь 35-44 насныхан, 19.8 хувь нь 45 ба түүнээс дээш насныхан, 10.9 хувь нь 15-24 насныхан байна. Тайлант хугацаанд бүртгэгдсэн ажилгүйчүүдийн 14.8 хувь нь сургууль төгссөн, 7.1 хувь нь өөр газраас шилжиж ирсэн, 3.9 хувь нь орон тооны цомхотголд орсон, 1.3 хувь нь байгууллага татан буугдсан, 72.9 хувь нь бусад шалтгаанаар ажил хайж бүртгүүлжээ.

Мэдээллийн төв 
 

Санал асуулга

Манай вэб сайт таны санаанд хэр нийцэж байна?

Facebook

Цаг агаар

Вебийн статистик

Таны IP хаяг: 3.235.65.220
  • 1 Онлайн
  • 173 Өнөөдөр
  • 259 Өчигдөр
  • 432 Долоо хоногт
  • 8932 Сүүлийн сард
  • 6664998 Нийт хандалт