Жаргалант сумын Дулаан-Уул багийн Баруун булагт 8 хоногийн хугацаатай хорио цээрийн дэглэм тогтоолоо
Жаргалант сумын Дулаан-Уул багийн Баруун булагийн малчин өрхийн нэг үхрээс зоонозын халдварт боом өвчний шинж тэмдэг илрээд байсан тул өнгөрсөн сарын 26-наас энэ сарын 1-нийг хүртэл хязгаарлалтын дэглэм тогтоогоод байсан. Өнөөдрөөс энэ сарын 10-ныг хүртэл хорио цээрийн дэглэм тогтоох тухай захирамжийг тус сумын Засаг дарга Б.Зоригтбаатар “Улсын мал эмнэлгийн төв лабораторийн наймдугаар сарын 2-ны өдрийн тоот дугаар бүхий шинжилгээний хуудас, аймгийн Мал эмнэлгийн лабораторийн өнгөрсөн сарын 28-ний өдрийн тоот дүнгийн хуудас, Мал эмнэлгийн тархвар зүйчийн саналыг тус тус үндэслэн гаргалаа.
Нөхцөл байдлын талаар сумын Засаг дарга Б.Зоригтбаатараас тодруулахад “Дулаан-Уул багийн Баруун булагт 21 малчин өрх байдаг. Нэг үхэр зоонозын халдварт боом өвчнөөр өвчилсөн. Голомтот хэсгийн 2400 мКв талбайд ариутгал халдваргүйжүүлэлт хийж байна. Хүн, машин техник хэрэгслийн хөдөлгөөн хорио цээрийн дэглэмд хамаарахгүй. Тухайн хэсэгт намаржиж байгаа малчин айл өрхийн малын хөдөлгөөнийг хязгаарласан гэх мэдээллийг өглөө.
Мэдээллийн төв