Нээлттэй хаалганы өдөр

Байгууллагын үйл ажиллагааг сурталчлах, төрийн үйлчилгээг иргэдэд шуурхай хүргэх зорилгоор 2022 оны 06 дугаар сарын 21-ний өдөр “Нээлттэй хаалганы өдөр”-ийг Баянцагаан баг дээр зохион байгууллаа.
Уг өдөрлөгийн үеэр иргэд, хэрэглэгчдэд байгууллагынхаа үйл ажиллагааг сурталчлан стандартын болон бүтээгдэхүүн үйлчилгээний баталгаажуулалт, хэмжүүр хэмжих хэрэгслийн шалгалт баталгаажуулалт, сорьцын хяналтын чиглэлээр мэдээ, мэдээлэл, зөвлөгөө өгч, худалдааны жин, даралтын аппарат зэргийг баталгаажуулж, гарын авлагаар хангаж ажиллалаа.
Өдөрлөгийн үеэр багийн төвийн сургалтын танхимд үйлдвэрлэл, худалдаа эрхлэгчдэд “Стандартчилал техникийн зохицуулалт, тохирлын үнэлгээний итгэмжлэлийн тухай хууль, Орхон аймаг дахь Стандартчилал тохирлын үнэлгээний өнөөгийн байдал, Хүнсний салбарт мөрдөж байгаа стандарт, техникийн зохицуулалт, Аюулгүйн тэмдгийн хэлбэр, хэмжээ, хэрэглэх журам” зэрэг сэдвээр сургалт хийж, 17 иргэн, аж ахуйн нэгжийг хамрууллаа.
Мөн 2 аж ахуйн нэгжийн үйлчилгээнд тохирлын үнэлгээ хийж, худалдааны болон эмнэлгийн 8 ширхэг жинг баталгаажуулж, 5 иргэний цусны даралтын аппаратыг үнэ төлбөргүй шалгаж зөвлөгөө өгсөн.
Хамтран ажилласан Баянцагаан багийн хамт олондоо талархал илэрхийлье.