СОНГОН ШАЛГАРУУЛАЛТЫН УРИЛГА

Эмнэлэг хөдөлмөрийн магадлах комиссын төрөлжсөн мэргэжлийн эмчийн сонгон шалгаруулалтыг Нийгмийн даатгалын ерөнхий газрын даргын 2021 оны 12 дугаар сарын 09-ний өдрийн А/166 тоот тушаал, Засгийн газрын 2021 оны Дүрэм шинэчлэн батлах тухай 67 тоот тогтоолоор батлагдсан “Эмнэлэг хөдөлмөрийн магадлах комиссын дүрэм”-ийн 2 дахь хэсгийн 2.16 дахь заалтыг тус тус үндэслэн 2022 оны 02 дугаар сарын 18-ны 14.00 цагт Нийгмийн даатгалын хурлын танхимд зохион байгуулна.

Иймд Орхон аймгийн хэмжээнд үйл ажиллагаа явуулж байгаа бүх шатны эрүүл мэндийн байгууллагын эмч нарыг эмнэлэг хөдөлмөрийн магадлах комиссын бүрэлдэхүүнд ажиллах дотор, мэдрэл, гэмтэл мэс засал төрөлжсөн мэргэжлийн эмчийн сонгон шалгаруулалтад оролцохыг урьж байна.

Эмнэлэг хөдөлмөрийн магадлах комиссын төрөлжсөн мэргэжлийн эмч нь даатгуулагч (иргэн)-ийн хөдөлмөрийн чадвар алдалтын хувь, хугацааг шийдвэрлэх үйл ажиллагаанд оролцож хамтарсан шийдвэр гаргах, зөвлөмж өгөх, судалгаа шинжилгээ хийх үндсэн чиг үүрэгтэй ажиллана

Нэр дэвшигчид тавигдах шаардлага.Үүнд:

Эмчлэх эрхийн лицензтэй;
Эмчийн мэргэжлийн зэрэгтэй;
Анагаах ухааны магистраас дээш боловсролын зэрэгтэй;
Багаар ажиллах, үнэлгээ, дүгнэлт өгөх чадвартай, эрүүл мэндийн байгууллагын нэгж хэсгийг удирдаж байсан туршлага бүхий;

· Ёс зүйн зөрчилгүй, гэмт хэрэгт холбогдож байгаагүй, ял эдэлж байгаагүй;

Бүрдүүлэх материал:

· Нэр дэвшигчийн өөрийн хүсэлт;

· Цахим үнэмлэхний хуулбар;

· Анкет (Төрийн албаны зөвлөлийн 2019 оны 05 дугаар тогтоолын хоёрдугаар хавсралт, төрийн албан хаагчийн А, Б маягтаар);

· Боловсролын диплом, мэргэжлийн болон мэргэшлийн зэргийн үнэмлэхийг нотариатаар баталгаажуулсан хуулбар;

· Нэр дэвшүүлсэн байгууллагаас гаргасан ажил байдлын болон мэргэжлийн алдаа, ёс зүйн зөрчил гаргаж байгаагүй тухай тодорхойлолт;

· Нэр дэвшүүлсэн байгууллагын санал;

· Нэр дэвшүүлэх саналыг хэлэлцсэн хурлын тэмдэглэл;

Хугацаа:

Нэр дэвшигчийн материалыг 2022 оны 02 дугаар сарын 18-ны өдрийн 12 цаг 00 минутаас өмнө доорхи хаягаар авна.

Нийгмийн даатгалын хэлтсийн 2 давхар 203 ТООТ өрөө, магадлагч эмчид битүүмжлэн ирүүлнэ.