100 гаруй иргэн Хойд бүсийн хавдрын дэд төвөөр үйлчлүүлжээ
2025 онд эрүүл мэндийн салбарт гарсан томоохон шийдвэр нь Монгол Улсын Засгийн газрын 42 дугаар тогтоолоор “Эрдэнэт Медикал” эмнэлгийг Хойд бүсийн хэмжээнд Хавдар судлалын үндэсний төвийн харьяа Хавдрын оношилгоо эмчилгээний дэд төв болгохоор шийдвэрлэсэн явдал байв. Хавдрын үеийн тусламж үйлчилгээг орон нутагт тэр дундаа Орхон аймгийг түшиглэн байгуулснаараа онцлогтой.
Энэ шийдвэртэй холбоотойгоор Хойд бүсийн хэмжээнд хавдрын төрөлжсөн тусламж үйлчилгээг үе шаттай үзүүлэхээр 2026-2030 он хүртэл хөгжүүлэх төлөвлөгөөг баталж, 98 ортой эмнэлгийн зураг төсөв хийгдээд байна.
ХСҮТ-өөс элэг, улаан хоолой, хөх, зөөлөн эд, өндгөвч, бөөр, давсаг, нойр булчирхай, бүдүүн гэдэс, умайн хүзүүний хавдрын оношилгоо, эмчилгээний чиглэлээр 3 эмч, өнгөрсөн оны есдүгээр сараас ажиллаж эхэлсэн. Энэ хугацаанд 100 гаруй иргэнд үзлэг хийж, зөвлөгөө өгчээ.
Мэдээллийн төв
