Эрдэнэт хотын 50 жилийн ойн бэлтгэл хангах 6 дэд ажлын хэсэг ажиллаж байна
Энэ онд Зууны манлай бүтээн байгуулалт Эрдэнэт хотын түүхт 50 жилийн ой тохиож буй. Түүхт ойг “Эрин зууны бахархал Эрдэнэт хот уриан дор” тэмдэглэн өнгөрүүлнэ. Аймгийн Засаг даргын захирамжаар салбар бүрийн төлөөллөөс бүрдсэн 27 хүний бүрэлдэхүүтэй ажлын хэсгийг байгуулж, ЗДТГ-ын дарга Б.Ганзориг ахалж байна.
Ерөнхий ажлын хэсэг 6 дэд ажлын хэсэгтэй бөгөөд салбар тус бүрээр бэлтгэл ажилдаа ороод байна.
- Ёслол хүндэтгэлийн арга хэмжээг зохион байгуулах,
- Хөрөнгө оруулалт, бүтээн байгуулалт, тохижилтын дэд ажлын хэсэг,
- Аж ахуйн нэгж байгууллагуудтай уулзалт зохион байгуулах,
- Соёл урлагийн арга хэмжээ зохион байгуулах,
- .Спортын арга хэмжээ зохион байгуулах,
- Хэвлэл мэдээлэл, сурталчилгаа
Ерөнхий ажлын хэсэг 14 хоногт нэг удаа хуралдаж, зохион байгуулалтын бэлтгэл ажлаа төлөвлөн ярилцаж байна. Энэ сарын 7-нд ажлын хэсгийн зургадугаар хуралдаан болсон бөгөөд дараагийн хурлыг энэ сарын 21-нд товлосон.
Түүнчлэн энэ сарын 12-ноос ЗДТГ-ын Ажлын кабинетэд дэд ажлын хэсгүүд ээлжлэн ажиллаж эхэлсэн. Өчигдөр Ёслол хүндэтгэлийн ажлын хэсэг ажилласан бол өнөөдөр Хэвлэл мэдээлэл, сурталчилгааны ажлын хэсэг ажиллаж мэдээлэл солилцлоо.
Мэдээллийн төв
