“Бүсчилсэн хөгжил - Төрийн албаны манлайлал” зөвлөгөөн эхэллээ
Төрийн албаны тухай хууль болон төрийн албан хаагчийн ёс зүйн тухай хууль тогтоомж, бодлого төлөвлөгөөний хэрэгжилт, хяналт шалгалтын үр дүн, ёс зүй сахилга хариуцлагыг чанаржуулах зорилгоор “Бүсчилсэн хөгжил - Төрийн албаны манлайлал” хойд бүсийн төрийн албан хаагчдын зөвлөгөөн эхэллээ.
Зөвлөгөөн хоёр өдрийн турш үргэлжлэх бөгөөд өнөөдөр таван байршилд сургалт хэлэлцүүлэгүүд эхэлжээ.
Уурхайчин соёлын ордоны их танхимд “Төрийн албаны хууль тогтоомжийн хэрэглээ, сургалт хэлэлцүүлэг болж төрийн албаны хуулийн хүрээнд дагаж мөрдөх шинэчлэгдсэн журамуудын танилцуулга хийнэ.
Харин бага танхимд “Хөдөлмөрийн тухай хууль тогтоомжийн хэрэглээ” хэлэлцүүлэгийн хүрээнд 2022 оны нэгдүгээр сарын нэгний өдрөөс хэрэгжиж эхэлсэн Хөдөлмөрийн тухай хуулийн онцлог заалтуудыг танилцуулж байна.
Өнөөдрийн сургалт хэлэлцүүлгүүдэд Төрийн албаны зөвлөлийн дарга Л.Цэдэвсүрэн, ТАЗ-ын гишүүн Б.Идэрчулуун, Маргаан хянан шалгах газрын дарга Ч.Бат-Эрдэнэ зэрэг төрийн албаны зөвлөлийн гишүүд болон Орхон Булган Хөвсгөл аймгийн 420 гаруй төрийн албан хаагч оролцохоор хүрэлцэн иржээ.
“Бүсчилсэн хөгжил - Төрийн албаны манлайлал” сэдэвт зөвлөгөөн нь Монгол Улсын төрийн албаны Зөвлөлийн 30 жилийн ойн хүрээнд зохион байгуулж буй үйл ажиллагаа бөгөөд долоон бүсээс анхлан хойд бүсд болж байгаагаараа онцлогтой.
Мэдээллийн төв
