Орлогод нийцсэн орон сууцны байр худалдан авах хүсэлтэй иргэдийн бүртгэл энэ сарын 22-нд эхэлнэ
Орон нутгийн төсвийн хөрөнгө оруулалтаар Баян-Өндөр сумын Уртын гол багт баригдаж байгаа “Орлогод нийцсэн орон сууц”-ны байрны А блок буюу дөрөв дэх барилгыг Улсын комисс хүлээн авснаар иргэдэд худалдан борлуулахад бэлэн боллоо.
Энэ удаа өмнөх жишгийн дагуу олон нийтэд нээлттэй ил тод, шударга байх зарчмыг баримталж SMART ERDENET гар утасны аппликейшнээр бүртгэлийг зохион байгуулна. Иргэн Та мэдээллээ дутуу эсвэл алдаатай оруулбал засаж, нөхөж оруулах боломжгүйг анхаарна уу.
ЦАХИМ БҮРТГЭЛ: 2025 оны 01 дүгээр сарын 22-ны 09:00 цагт нээгдэж 2025 оны 01 дүгээр сарын 23-ны 18:00 цагт хаагдана.
Мөн тус орон сууцны байрны авто машины зогсоолыг иргэдэд худалдан борлуулах тул сонирхсон иргэд аймгийн Орон нутгийн өмчийн газарт хүсэлт гаргана уу.
ЖИЧ: авто машины зогсоол худалдан авах хүсэлтэй иргэд ямар нэгэн баримт бичиг бүрдүүлэхгүй болно.
Аймгийн Иргэдийн Төлөөлөгчдийн хурлын 2023 оны 12 дугаар сарын 02-ны өдрийн 17/06 дугаар тогтоолоор батлагдсан “ОРЛОГОД НИЙЦСЭН ОРОН СУУЦНЫ ЖУРАМ”-д заасан доорх баримт материалыг бүрдүүлнэ.
2.1.Орон сууцны байр худалдан авах иргэдэд тавигдах шаардлага:
• 2.1.1.Орон сууцны байр худалдан авах хүсэлт гаргасан айл өрх нь улсаас орон сууцны байр хувьчилж аваагүй байх;
• 2.1.2.Орон сууц худалдан авах хүсэлт гаргасан айл өрх нь өмнө нь төрөөс хөнгөлөлттэй нөхцөлөөр олгох түрээсийн болон бусад орон сууцны хөнгөлөлт эдлээгүй байх;
• 2.1.3.Орон сууцны байр худалдан авах айл өрх нь өөрийн өмчлөлийн орон сууцны байргүй байх;
• 2.1.4.Гэр хороололд оршин сууж амьдардаг байх;
• 2.1.5.Аав, ээж, ах, эгч, үр хүүхдүүдтэйгээ хамт болон түрээсийн байранд амьдардаг байх /нотариатаар баталгаажуулсан түрээсийн гэрээ хавсаргах/,
• 2.1.6.Худалдан борлуулах байрны төлбөрийг 100 хувь төлөх санхүүгийн эх үүсвэртэй байх (арилжааны банкны зээлд хамрагдаж болно);
2.3.Орон сууцны байр худалдан авах айл өрхийн бүрдүүлэх баримт бичиг:
• 2.3.1.Иргэний үнэмлэхний лавлагаа /ТҮЦ машин, e-mongolia программаас гэр бүлийн гишүүний хамт/;
• 2.3.2.Оршин суугаа газрын лавлагаа /ТҮЦ машин, e-mongoliа программаас гэр бүлийн гишүүний хамт/;
• 2.3.3.Ам бүлийн тодорхойлолт оршин суугаа багаас /гэр бүлийн гишүүний хамт/;
• 2.3.4.Гэрлэлтийн лавлагаа /ТҮЦ машин, e-mongolia программаас /;
• 2.3.5.Орлого тодорхойлох баримт бичиг /нийгмийн даатгалын дэвтэр, тэтгэвэр, тэтгэмжийн дэвтэр, хувиараа хөдөлмөр эрхлэгч түрээслүүлэгчийн хувьд орлого нотлох баримт, дансны хуулга хураангуйгаар/;
• 2.3.6.Үл хөдлөх эд хөрөнгө өмчилж байгаа болон шилжүүлсэн тухай лавлагаа ТҮЦ машин, e-mongolia программаас гэр бүлийн гишүүний хамт/;
Мэдээллийн төв
