Эрдэнэ багт эрчим хүчний хэмнэлттэй жишиг амины орон сууцны төсөл хэрэгжүүлж байна

Гэр хорооллын яндангийн тоог бууруулах зорилгоор айл өрхүүдийг ногоон амины орон сууцжуулах төслийг хэрэгжүүлж буй. Орхон аймаг “Хайбрид Хаус” ХХК-тай хамтран эрчим хүчний өндөр хэмнэлттэй “Хайбрид гарден” амины орон сууцны жишиг төслийг хэрэгжүүлж, төслийн хүрээнд Эрдэнэ багийн 3,4га талбайд 37 айлын эрчим хүчний өндөр хэмнэлттэй амины орон сууцны анхны жишиг ногоон хотхон байгуулах юм.

Ингэхдээ орон нутгийн зүгээс иргэнд орон сууц барих 150-400 метр квадрат газрыг үнэ төлбөргүй олгоно. Энэхүү төсөл нь олон улсын ногоон барилгын шаардлага бүрэн хангасан “Хайбрид Хаус” ХХК-ний технологиор, эрчим хүчний 61 хувиас дээш хэмнэлттэй байхаар төлөвлөсөн гэдгээрээ онцлогтой. Орхон аймаг 2022-2025 онд хэрэгжүүлэх “Орон сууцны хөтөлбөр” дунд хугацааны бодлогын баримт бичигт гэр хорооллыг дахин төлөвлөж орон сууцжуулах зорилтыг тавин хэрэгжүүлж байна.

Мэдээллийн төв