“Эрдэнэт хотын хүндэт иргэн”-ээр долоон иргэнийг алдаршууллаа
Илгээлтийн эздийн 50 жилийн ой, Хангайн бүсийн хурдан морьдын уралдаан, Орхон аймгийн баяр наадмыг тохиолдуулан Орхон аймаг Эрдэнэт хотын дээд шагнал “Эрдэнэт хотын хүндэт иргэн”-ээр долоон иргэнийг шагнаж, алдаршууллаа.
Энэхүү хүндэт шагналаар Орхон аймаг, Эрдэнэт хотын түүхэн хөгжил, бүтээн байгуулалтад онцгой хувь нэмэр оруулж, ажил хөдөлмөрөөрөө тэргүүлсэн Эрдэнэт хотод 30-аас дээш жил ажиллаж, оршин суугаа иргэнийг шагнадаг журамтай.
Энэ жил “Эрдэнэт үйлдвэр” ТӨҮГ-ын ахмад ажилтан, Аж үйлдвэрийн гавьяат О.Зоригт, Нийтийн аж ахуй, барилга угсралтын салбарт олон жил үр бүтээлтэй ажилласан Ш.Бээжинхүү, Монгол Улсын гавьяат багш Д.Амар, Боловсролын салбарт олон жил үр бүтээлтэй ажилласан Ч.Цэндсүрэн, Төр захиргааны ахмад ажилтан Т.Алтанхуяг, Д.Дэлгэр, Ч.Сайлаухан нарын долоон иргэн хүндэт иргэний шагнал хүртлээ.
Тус шагналыг анх 2006 онд Эрдэнэт хотын 30 жилийн ойгоор анх олгож эхэлсэн бөгөөд энэ жил 47-53 дахь хүндэт иргэн шагнагдаж байна.
Мэдээллийн төв
