Иргэний зөвлөлийн гишүүнийг сонгон шалгаруулах зарлал
Цагдаагийн байгууллагын үйл ажиллагаанд олон нийтийн хяналт тавих үүрэг бүхий Иргэний зөвлөлийн гишүүнд нэр дэвших сонгон шалгаруулалтыг 2024 оны 06 дугаар сарын 05-ны өдрөөс эхлэн зарлаж байна. Зөвлөлийн гишүүнд нэрээ дэвшүүлэхийг хүссэн иргэн Цагдаагийн албаны тухай хуулийн 62.3 дахь заалт “Иргэний зөвлөлийн гишүүн нь сүүлийн 5 жил цагдаа, прокурор, шүүгч, төрийн улс төрийн албан тушаал эрхэлж байгаагүй, ял шийтгэлгүй, ашиг сонирхлын зөрчилгүй Монгол Улсын иргэн байна”, 62.4 дэх заалт “Иргэний зөвлөлийн гишүүнээр энэ хуулийн 62.3-т заасан шаардлагыг хангасан, тухайн нутаг дэвсгэрт сүүлийн 5 жил оршин сууж байгаа, оршин суух бүртгэлтэй Монгол Улсын иргэнийг аймаг, нийслэлийн иргэдийн Төлөөлөгчдийн Хурлаас гурван жилийн хугацаагаар томилно”-ыг тус тус хангасан байх ба Нутгийн удирдлагын ордны 318 тоот өрөөнд 2024 оны 06 дугаар сарын 20-ны дотор дараах материалыг бүрдүүлж ирнэ үү. Үүнд:
1. Товч намтар /Төрийн албан хаагчийн анкет/
2. Хувийн ашиг сонирхлын урьдчилсан мэдүүлгийн хуудас
3. Ял шийтгэгдсэн эсэх талаарх Цагдаагийн байгууллагын тодорхойлолт
4. Оршин суугаа газрын тодорхойлолт
5. Иргэний үнэмлэхийн хуулбар
Материалыг ажлын цагаар хүлээн авах ба шаардлагатай асуудлыг 70358530 дугаарын утсаар лавлана уу.
СОНГОН ШАЛГАРУУЛАХ КОМИСС
