1500 орчим зорчигч хүлээн авах хүчин чадалтай Авто буудал энэ сард ашиглалтад орно
Хот хоорондын болон аймаг хоорондын зорчигч тээврийн Авто буудлыг энэ сарын 15-нд ашиглалтад оруулахаар зорьж байна. Улсын төсвийн 4,9 тэрбум хөрөнгө оруулалтаар барьж буй энэхүү бүтээн байгуулалт нь нийт 658,2 м.кв талбайтай, 42.6х16х4 зоорьтой гурван давхар барилга юм. 1200-1500 зорчигч хүлээн авах хүчин чадалтай тус барилга ашиглалтад орсноор аймгийн Авто тээврийн төв, даатгалын компани, үйлчилгээний байгууллагууд иргэдэд цогц үйлчилгээг үзүүлнэ.
Монгол Улсад мөрдөж буй Авто буудлын стандартаар авч үзвэл хамгийн өндөр буюу дөрөвдүгээр зэрэглэлийн ангилалд орж буйг албаныхан хэлж байна.
Авто машины зогсоолыг нэмэгдүүлэхийн тулд Авто буудлын баруун, зүүн талд төлөвлөлт хийж нийт 350 гаруй авто машины зогсоол хийх зураг төсвийг боловсруулж байна.
Өнөөдрийн байдлаар:
- Барилгын каркас, дүүргэлтийн ажил дууссан
- Фасад 100%
- Дотор өрлөг 100%
- Дээвэр 100%
- Сантехник 100%
- Дотор засал 100%
- Цахилгаан 95%
- Гадна тохижилт 85% гүйцэтгэлтэй байна.
Мэдээллийн төв
