2024 оны 06-р сарын 24

Уран эгшиг сургуулийн өргөтгөлийн барилгын явц 75 хувьтай байна

Аймгийн Засаг дарга М.Түмэнжаргал холбогдох албаныхны хамтаар эдгээр өдрүүдэд улс болон орон нутгийн төсвийн хөрөнгө оруулалтаар гүйцэтгэж буй хөрөнгө оруулалт, бүтээн байгуулалтын ажлын явцтай танилцаж байна. Өчигдөр /2024.06.03/  орон нутгийн төсвийн 1,8 тэрбум төгрөгийн хөрөнгө оруулалтаар барьж буй “Уран эгшиг” сургуулийн өргөтгөлийн барилгын ажлын явцтай танилцлаа. 

   Өнөөдрийн байдлаар тус сургуулийн өргөтгөлийн барилгын ажлын явц 75 хувийн гүйцэтгэлтэй байна. Тодруулбал, урлаг заалны хоёрдугаар  давхрын цутгалт хийсэн. Гадна, дотор өрлөгийн ажил дууссан. Заалны баганын цутгалт авсан. Суурийн хөрсний нягтруулалт хийсэн. Заалны шалны ажлыг хийжээ. Хичээлийн байр, урлаг заал, цайны газар гэсэн  хоёр блок  бүхий  24*12 хэмжээтэй өргөтгөлийг ирэх наймдугаар сарын 15-нд хүлээлгэж өгөхөөр “Багандант”  ХХК гүйцэтгэгчээр ажиллаж байна. 

Засаг дарга М.Түмэнжаргал хөгжлийн бэрхшээлтэй хүн орж, гарах орц гарцыг стандартын дагуу гаргах, хугацаандаа багтаан хүлээлгэж өгөхөд анхаархыг сануулсан. 
Өнгөрсөн онд сургуулийн их засварт орон нутгийн төсвөөс 586,7 сая төгрөгийг зарцуулж сургалтын орчин нөхцлийг сайжруулсан билээ. Мөн сургуулийн урлаг, спорт заалны өргөтгөлийн ажлыг эхлүүлэхэд орон нутгийн төсвөөс 793,3 сая төгрөгийг зарцуулсан.  

Урлагийн 13 төрлөөр 450 сурагч суралцдаг тус сургуулийн орчин нөхцлийг сайжруулах, шинэчлэхэд анхаарсан хөрөнгө оруулалтыг ийн   үе шаттай хэрэгжүүлж байна. 

Мэдээллийн төв 


 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64280

Facebook

Цаг агаар

Вебийн статистик

Таны IP хаяг: 100.28.132.102
  • 5 Онлайн
  • 184 Өнөөдөр
  • 150 Өчигдөр
  • 184 Долоо хоногт
  • 8583 Сүүлийн сард
  • 6965578 Нийт хандалт