Шинэ хөдөө-Үйлдвэрлэгч өрх төслийн хүрээнд тоног төхөөрөмж, иргэн ААН-д гэрээгээр эзэмшүүлэх зар

Орхон аймгийн Хүнс хөдөө, аж ахуйн газраас улсын төсвийн хөрөнгө оруулалтаар хэрэгжиж буй “ШИНЭ ХӨДӨӨ-ҮЙЛДВЭРЛЭГЧ ӨРХ” төслийн хүрээнд аймгийн өрхийн болон жижиг, дунд үйлдвэрүүдийг хөгжүүлэх зорилгоор тоног төхөөрөмжүүдийг эзэмшүүлэх төсөл сонгон шалгаруулалт зарлаж байна.

“ШИНЭ ХӨДӨӨ - ҮЙЛДВЭРЛЭГЧ ӨРХ” ТӨСЛИЙН ХҮРЭЭНД ГЭРЭЭГЭЭР ЭЗЭМШҮҮЛЭХ ТОНОГ ТӨХӨӨРӨМЖИЙН ЖАГСААЛТТАЙ /userfiles/files/-HUDUU-TT-zarlah-(240522110518).docx ЭНД ДАРЖ /ТАТАЖ АВАХ/ ТАНИЛЦАНА УУ.

Төсөлд хамрагдах иргэн, аж ахуйн нэгжид тавигдах шаардлага:
•   Орхон аймагт үйл ажиллагаа явуулдаг байх
•   Орхон аймагт бүртгэлтэй иргэн, аж ахуйн нэгж байх
•   Сүүлийн 1 жилээс дээш хугацаанд тогтмол үйлвэрлэл явуулсан байх
•   Төслөө өөрийн биеэр ажлын хэсэгт танилцуулах
Төсөлд дараах зүйлсийг тусган боловсруулсан байна:
•   Үйлдвэр, цехийн танилцуулга /Үйлдвэрлэл эрхэлсэн туршлага, түүхээ дэлгэрэнгүй бичнэ/
•   Тоног төхөөрөмж авсанаар гарах үр дүнг тодорхой тооцож тусгасан байна
Төсөлд хавсаргах материал:
•   Иргэн бол иргэний үнэмлэхний хуулбар
•   Аж ахуйн нэгж бол гэрчилгээний хуулбар
Төслийг сонгон шалгаруулах хугацаа:
•   Төслийг 2024 оны 05 сарын 22-ны өдрөөс 2024 оны 06 сарын 05-ны өдрийн 18.00 цаг хүртэл Хүнс, хөдөө аж ахуйн газрын 307 тоот өрөөнд хүлээн авна.
•   Орхон аймгийн Хүнс хөдөө аж ахуйн газрын даргын тушаалаар байгуулагдсан ажлын хэсэг сонгон шалгаруулалтыг хийнэ.
Тоног, төхөөрөмж эзэмшүүлэх ерөнхий нөхцөл:
•   Шалгарсан иргэн, аж ахуйн нэгжтэй тоног, төхөөрөмж эзэмшүүлэх гэрээ байгуулан хүлээлгэн өгнө.
•   Тоног, төхөөрөмж нь Орхон аймгийн ХХААГ-ын өмч бөгөөд зориулалтын дагуу ашиглаж, тодорхой үр дүнд хүрсэн тайланг үндэслэн 3 жилийн дараа элэгдэл хорогдолыг тооцон иргэн, аж ахуйн нэгжид шилжүүлэх асуудлыг шийдвэрлэнэ.