2024 оны 04-р сарын 16

 Улаанбаатар төмөр зам ХНН-ийн  ерөнхий инженер С.П.Старцевийг хүлээн авч уулзлаа 

Улаанбаатар төмөр зам ХНН-ийн ерөнхий инженер С.П.Старцев албаны хүмүүсийн хамтаар орон нутгийн удирдлагуудтай уулзаж хамтын ажиллагааны талаар санал солилцов. 

Уулзалтын эхэнд аймгийн Засаг даргын орлогч М.Түмэнжаргал “Орон нутгийн хөгжилд үнэтэй хувь нэмэр оруулдаг "Улаанбаатар төмөр зам"-ын "Эрдэнэт зангилаа"-ны хамт олныг дэмжин орон нутгаас  тодорхой ажлуудыг хийж хэрэгжүүлж байгаа. Цаашид ч бүхий л тал дээр хамтарч ажиллах боломжтой”  гэдгээ илэрхийллээ. 

    Улаанбаатар төмөр замын ерөнхий инженер С.П.Старцев  төмөр замын ажилчдын орон сууц барих газрыг орон нутгийн зүгээс шийдвэрлэж өгөх, хотын өнгө төрхийг илтгэх вокзал буюу өртөө орчмын тохижилтыг сайжруулахад орон нутаг хамтарч ажиллахыг хүслээ. 

Мөн төмөр замын аялал жуулчлалын маршрут гаргаж гадаадын болон дотоодын жуулчдыг татах, “Эрдэнэт өртөө”  орчмын дэд бүтцийг сайжруулах, олон улсын жишигт нийцсэн хотын бэлэг тэмдэг, өнгө төрхийг илтгэсэн бүтээн байгуулалтыг хийх, хотын төв болон “Эрдэнэт өртөө” чиглэлийн автобусны маршрут гаргаж зорчигчдод үйлчилгээ үзүүлэх зэрэгт  талууд санал нэгдэв. 

Энэ онд Улаанбаатар төмөр замын 75 жилийн ой тохиож байна. Ойн хүрээнд 2024 оныг бүсчилсэн хөгжлийг дэмжих, бүтээн байгуулалтын жил болгон зарлажээ. Иймд Эрдэнэт зангилааны хамт олон хүлээлгийн танхимаа засварлах, гадна гэрэлтүүлэг, гэрлэн чимэглэлээ нэмэгдүүлэх, сайжруулах, өртөөний нийтийн хоолны газрыг стандартад нийцүүлж засварлах зэрэг тохижилтын ажлуудыг хийж эхэлсэн байна. 

Мэдээллийн төв

 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64246

Facebook

Цаг агаар

Вебийн статистик

Таны IP хаяг: 44.197.231.211
  • 6 Онлайн
  • 131 Өнөөдөр
  • 519 Өчигдөр
  • 650 Долоо хоногт
  • 14311 Сүүлийн сард
  • 6929523 Нийт хандалт