2024 оны 02-р сарын 29

М.Алтанбек: Томчууд бага насны хүүхэд үнсэхгүй байх нь зүйтэй 

БОЭТ-ийн Эмнэл зүй эрхэлсэн орлогч захирал М.Алтанбек  сар шинийн өдрүүдэд иргэдийн анхаарвал зохих дараахь  зөвлөмж, мэдээллийг өглөө. 

Сар шинийн баярын өдрүүдэд БОЭТ-ийн төв хүлээн авах, хүүхдийн хүлээн авах,  халдварт, төрөх эмэгтэйчүүдийн хүлээн авах 24 цагаар ажиллана.  Бүх тасгуудад мэргэжлийн эмч, эмнэлгийн жижүүрийн үүрэг гүйцэтгэнэ. Баярын өдрүүдэд шаардагдах эм, эмнэлгийн хэрэгслийн нөөц,  нэг удаагийн хэрэгсэл, ариутгал, угаалга цэвэрлэгээний бодисын нөөц, эрчимт эмчилгээний орны нөөц зэргийг хангасан.  Мөн Тоног төхөөрөмж, цусны нөөцийг бүрдүүлсэн.  Дулаан, цахилгаан, галын аюулгүй байдалд үзлэг шалгалт хийж байна. 

Иргэддээ хэд хэдэн чиглэлийн зөвлөмж мэдээллийг хүргэе. 
Ерөнхий боловсролын сургуулийн үйл ажиллагаа эхэлсэнтэй холбоотойгоор улирлын томуу, томуу төст өвчний дэгдэлт ихсэх хандлагатай байна. Тиймээс сар шинийн өдрүүдэд томуу, томуу төст өвчнөөс сэргийлж, халдвар хамгааллын дэглэм барих шаардлагатай. Ялангуяа жирэмсэн эхчүүд, бага насны хүүхдүүд хүндрэх эрсдэл бий. 
•    Мөн насанд хүрэгчид бага насны хүүхдийг үнсэхгүй байх нь зүйтэй. 
•    Согтууруулах ундааны хэрэглээнд онцгой анхаарах. Хэтрүүлэн хэрэглэсэн нэгнээ гэрт нь заавал хүргэж өгөх. 
•    Гудамж талбайд ухаангүй унасан, биеэ авч явах чадваргүй болсон иргэнийг яаралтай түргэн тусламж эсвэл цагдаагийн  102,103 дугаар дугааруудад мэдэгдэх.
•    Аливаа нэгэн баяр ёслолын дараа нойр булчирхайн өвчлөл ихэсдэг. Нойр булчирхайн архаг үрэвсэл сэдэрдэг учраас хэт өндөр илчлэгтэй хоол унд нэг дор идэхээс татгалзах.
•    Халуун хоолыг хүйтэн уух зүйлтэй хамт хэрэглэхгүй байх. 
•    Бохир гараар дамжих гэдэсний халдварт өвчнөөс сэргийлэхийг тус тус зөвлөв.

Мэдээллийн төв

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57577

Facebook

Цаг агаар

Вебийн статистик

Таны IP хаяг: 44.222.218.145
  • 6 Онлайн
  • 521 Өнөөдөр
  • 777 Өчигдөр
  • 2495 Долоо хоногт
  • 11851 Сүүлийн сард
  • 6894633 Нийт хандалт