Аймгийн Засаг даргын санаачилгаар “Хэнийг ч үл орхигдуулахгүй” байх зарчмын хүрээнд “Эрүүл Эрдэнэт хүн” төслийг есдүгээр сарын 30-наас арваннэгдүгээр сарын 1 хүртэл  нэг сарын хугацаанд хэрэгжүүлсэн. 

    Аймгийн хэмжээнд  урьдчилан сэргийлэх үзлэгийг эрчимжүүлэх, халдварт өвчний эрсдэлээс урьдчилан сэргийлэх, эрүүл мэндийн даатгалын шимтгэл төлдөггүй, хаягийн бүртгэлээс болж эрүүл мэндийн тусламж үйлчилгээг авч чаддаггүй иргэдэд эрүүл мэндийн тусламж үйлчилгээг хүргэхийг энэхүү төслөөр зорьсон юм.  Ингэхдээ  гэр хорооллын алслагдсан багуудыг сонгож  15 эрүүл мэндийн байгууллагын 62 эмч, эмнэлгийн ажилтнууд 22 түр цэг, 1 явуулын цэгээр эрүүл мэндийн тусламж үйлчилгээг үзүүлэв. 

Төслийн хүрээнд нийт 14 мянга гаруй иргэдэд эрүүл мэндийн тусламж үйлчилгээг үзүүлснээс 1000 орчим нь ЭМД-ын шимтгэл төлдөггүй зорилтот бүлгийн  иргэд байв.  Аймгийн хэмжээнд ЭМД-ын шимтгэл төлдөггүй 2500 орчим иргэний судалгаа бий.  Иргэдэд түргэвчилсэн тестээр ходоод, бүдүүн, шулуун гэдэс, түрүү булчирхай зэрэг дөрвөн төрлийн хавдрын маркер,  тэмбүү, элэгний B,C вирусийг тодорхойлж, зүрхний цахилгаан бичлэг, хэвлийн  эхо, чих, хамар хоолойн үзлэгийг хйисэн.  

     Лавлагаа шатлалд илгээсэн хавдрын сэжигтэй тохиолдлуудын  долоогийнх нь  онош баталгаажин, дараагийн арга хэмжээг авч хэрэгжүүлээд байна.   Тодруулбал, элэгний хавдар 3, түрүү булчирхай 1, ходоод 1, бүдүүн шулуун гэдэсний хавдар 2-ыг илрүүлсэн.  Мөн төслийн хүрээнд  6 настай хүүхдийн зүрхний эмгэг илрүүлэх үзлэг оношилгоонд 2500 хүүхдийг хамруулж, өөрслөлттэй гарсан 200 хүүхдийг нарийн мэргэжлийн эмчийн хяналтад авав. 

Хүн амын дунд зонхилон тохиолдож байгаа халдварт болон халдварт бус өвчнийг эрт илрүүлэх үзлэг оношилгоогоор ... 

•    Тэмбүүгийн хурдавчилсан сорил 712 иргэнд тавьснаас эерэг илэрсэн 21 тохиолдлыг лавлагаа шатлалын эмнэлэгт илгээн шийлдсийн шинжилгээнд хамруулав. 
•     Элэгний В вирусийн хурдавчилсан сорил 1218 хүнээс авснаас эерэг илэрсэн 57, 
•   Элэгний С вирусийн хурдавчилсан сорил 1216 хүнд хийснээс эерэг илэрсэн 42, 
•   Ходоодны хавдрын түргэвчилсэн оношлуур 466 хүнд хийснээс өөрчлөлттэй 111, 
• Элэгний хавдрын түргэвчилсэн оношлуур 628 хүнд хийснээс өөрчлөлттэй 15, 
•   Бүдүүн гэдэсний хавдрын түргэвчилсэн оношлуур 617 хүнд хийснээс өөрчлөлттэй 19,
•    Түрүү булчирхайн хавдрын түргэвчилсэн оношлуур 386 хүнд тавьснаас өөрчлөлттэй 95 иргэнийг лавлагаа шатлалын эмнэлэгт илгээлээ. 
•   Хэвлийн ЭХО-д 1377 хүнийг харсанаас 908  хүн   өөрчлөлттэй 
• Зүрхний цахилгаан бичлэгийг 1214 хүнд хийснээс 671 нь  өөрчлөлтэй гарч лавлагаа шатлалын эмнэлэгт илгээгээд байна. 

Түүнчлэн худалдаа үйлчилгээний 7 байгууллагын 695 түрээслэгчдийг  эрүүл мэндийн урьдчилан сэргийлэх үзлэгт  хамруулсан.  Мөн төслийн хүрээнд хийсэн бас нэгэн ажил нь  хүн амын дунд  эрүүл мэндийн тэгш байдлын судалгааг явуулсан нь эмнэлгийн тусламж үйлчилгээг зөв оновчтой зохион байгуулахад чухал үр дүнгээ өгсөн арга хэмжээ болов. 

Мэдээллийн төв