2024 оны 05-р сарын 27

Стандартаа мөрдөж эрсдэлээ бууруулъя уриалгыг гаргалаа

       Өнөөдөр улс орон даяар эхэлсэн Эрсдэл ба стандарт үндэсний форумын салбар уулзалт хэлэлцүүлгийг Орхон аймаг орон нутгийн хэмжээнд зохион байгуулж төр хувийн хэвшлийн 110 гаруй төлөөлөл оролцов. 
     Уулзалт хэлэлцүүлгийн үеэр салбар салбарын эрсдэл болоод стандартын талаар нийт 14 илтгэл хэлэлцүүлэг өрнүүлэв. Илтгэл танилцуулагдаж, асуулт хариулт явсанаа дараа тус салбар хэлэлцүүлгээс Орхон аймгийн иргэд, төрийн болон төрийн бус байгууллага, аж ахуйн нэгжүүддээ хандан уриалга гаргалаа. 
      Стандарт бол тогтвортой хөгжлийн үндэс. Хаана стандарт мөрдөгдөж байна. Тэнд эрүүл аюулгүй, эрсдэлгүй байж, хөгжил цэцэглэлт бий болно. Иймд стандартаа мөрдөж эрсдэлээ бууруулъя уриалгыг тус хэлэлцүүлэг уулзалтаас дэвшүүлсэн юм.

      Дэвшүүлсэн уриалгатай холбогдуулан хэд хэдэн шийдэл хэлэлцүүлгээс гаргасныг аймгийн Засаг дарга С.Батжаргал танилцууллаа. Тодруулбал: 
1. Гамшгийн болон нийгмийн эрсдэлийн талаар олон нийтийн боловсролыг дээшлүүлэн, иргэдийн мэдэх эрхийг хангах замаар стандартыг мөрдүүлэн хэвшүүлэх, ялангуяа сургууль, цэцэрлэгийн орчныг эрсдэлгүй болгох, 
2. Салбар бүрт мөрдөгдөж байгаа стандартын хэрэгжилтийн түвшинг дээшлүүлэх, шинээр болон шинэчлэн боловсруулахад ААНБ-уудын оролцоог нэмэгдүүлэх, эрсдэлийн удирдлагын стандартыг хэрэглүүлэх талаар холбогдох эрх зүйн зохицуулалтад тусгуулахаар холбогдох эрх бүхий байгууллагад санал хүргүүлэх, 
3. Орхон аймагт байгаа эрсдэл бүхий барилгыг бүртгэлжүүлэх, хариу арга хэмжээ авах, импортын болон дотоодын үйлдвэрийн барилгын материалын стандартыг хангуулж, тохирлын баталгаажуулалтад бүрэн хамруулах, 
4. Хүнсний чиглэлийн үйл ажиллагаа эрхлэгчид тэдгээрийн бүтээгдэхүүн, үйлчилгээнд тохирлын үнэлгээ хяналтын чиг үүрэг бүхий байгууллагын чадавхийг дээшлүүлэх, 
5. Стандартын шаардлага хангахгүй бүтээгдэхүүн, үйлчилгээний стандартыг хангуулах талаар шаарддаг, нэхдэг байх дадал зуршлыг хэрэглэгчдэд бий болгох, олон нийтэд мэдээлж, эрсдэлээс урьдчилан сэргийлэх ажлыг эрчимжүүлэх 
6. Зам тээврийн осол, зөрчил, хүний амь нас, эрүүл мэнд эд хөрөнгийн аливаа асуудлаас урьдчилан сэргийлж, замын хөдөлгөөнийг хянах теле хяналтын системийг бүрдүүлэх гэлээ. 

 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64266

Facebook

Цаг агаар

Вебийн статистик

Таны IP хаяг: 3.215.186.30
  • 4 Онлайн
  • 347 Өнөөдөр
  • 302 Өчигдөр
  • 4154 Долоо хоногт
  • 12258 Сүүлийн сард
  • 6947785 Нийт хандалт