2024 оны 07-р сарын 25

2024 оны төсвийн төслийг хуулийн хугацаанд  Төрийн аудитын байгууллагад өргөн барилаа 

Монгол Улсын Төсвийн тухай хуулиар тухайн жилийн төсвийн төслийг жил бүрийн арваннэгдүгээр сарын 20-ны дотор Төрийн аудитын байгууллагад хүлээлгэн өгөх заалттай.  Өнөөдөр аймгийн Засаг даргын орлогч М.Түмэнжаргал, ЗДТГ-ын дарга Ш.Ганболд болон бусад  холбогдох албаны хүмүүсийн хамтаар  2024 оны аймгийн төсвийн төслийг  хуулийн хугацаанд нь Төрийн аудитын байгууллагад өргөн барилаа. 

Төрийн аудитын байгууллага  2024 оны төсвийн төсөлд дүгнэлт гаргаж, холбогдох санал зөвлөмжийг ирэх сарын 1-нд хуралдах  аймгийн ИТХ-ын хуралдаанд  танилцуулах юм.  Мөн энэ сарын 25-нд 2024 оны орон нутгийн төсвийн төслийг аймгийн ИТХ-д  өргөн барина гэж албаныхан хэллээ. 

Ирэх оны төсөв  иргэдийн саналыг нэлээдгүй тусгаснаараа онцлогтой.  Тодруулбал, “Санаачилгатай Эрдэнэт хүн” төслийг хэрэгжүүлж, айл өрх бүрээс цахим болон цаасан хэлбэрээр саналыг авах ажлыг зохион байгуулсан бол  Орон нутгийн хөгжлийн сангийн төсвийг боловсруулахдаа хоёр сумдын багуудын Иргэдийн нийтийн хурал болон бусад холбогдох уулзалтыг хийж, иргэдийн саналыг авсан. 

 Мөн өнгөрсөн аравдугаар сард аймгийн Засаг дарга холбогдох албаны хүмүүсийн хамтаар бүх багийн иргэдтэй уулзаж, 2024 оны  орон нутгийн төсвийн хөрөнгө оруулалтаар хийх ажилд тусгах иргэдийн саналыг авч,  нэгтгэж эрэмбэлсэн гэдгийг албаныхан онцлов. 

2024 оны төсвийн төсөлд иргэд, хүүхдүүдэд ээлтэй  аюулгүй орчинг бүрдүүлэхэд анхаарсан  хэд хэдэн арга хэмжээнд хөрөнгө оруулалтыг чиглүүлжээ.  Тухайлбал,  гэрэлтүүлэг, камержуулалтыг нэмэгдүүлэхэд онцгой анхаарч, төлөвлөсөн байна. Мөн авто замын засвар шинэчлэлтийг өргөн хүрээнд хийхээр төлөвлөжээ. 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  64372

Facebook

Цаг агаар

Вебийн статистик

Таны IP хаяг: 3.226.72.194
  • 6 Онлайн
  • 128 Өнөөдөр
  • 665 Өчигдөр
  • 4720 Долоо хоногт
  • 12641 Сүүлийн сард
  • 6980899 Нийт хандалт