“Гарааны бизнес 2023” төсөл сонгон шалгаруулалтын материал хүлээн авч эхэллээ
“Эрдэнэтчүүд Эрдэнэтчүүддээ хайртай” хөдөлмөр эрхлэлтийг дэмжих хөтөлбөрийн хүрээнд “Гарааны бизнес 2023” төсөл сонгон шалгаруулалтад оролцох иргэдийн материалыг өнөөдрөөс хүлээн авч эхэллээ.
Уг төслийг аймгийн Засаг даргын Тамгын газар, “Эрдэнэт ШУТП” ОНӨҮГ хамтран гурав дахь жилдээ хэрэгжүүлж буй. Төслийн зорилго нь өрхийн болон бичил бизнес эрхлэгчдыг дэмжих, ажлын байрыг нэмэгдүүлэх, инноваци шингэсэн бүтээгдэхүүн үйлдвэрлэлийг хөгжүүлэх ажээ.
Материал хүлээн авах хугацаа энэ сарын 30-ыг хүртэл үргэлжлэх бөгөөд бүртгэлийг “Смарт Эрдэнэт” аппликейшнаар дамжуулан хийнэ.
Энэ жил 270 сая төгрөгийн хөрөнгө оруулалтыг нийт 36 бичил бизнес эрхлэгчдэд хувиарлана. Ингэхдээ өрхийн болон бичил бизнес эрхлэгч 33 иргэнд тус бүр таван сая төгрөгийг эргэн төлөгдөх нөхцлөөр хоёр жилийн хугацаатай олгоно. Харин хүнсний болон ногоон сууцны үйлдвэрлэлийн чиглэлээр үйл ажиллагаа явуулдаг гурван аж ахуйн нэгжид тус бүр 35 сая төгрөгийн зээлийг олгохоор шийдвэрлэжээ.
Мэдээллийн төв
