ШӨХТГ түлээ, нүүрсний үнэд зохиомол үнийн өсөлт байгаа эсэхэд хяналт шалгалт хийнэ
Энэ сарын 5-ны өдрийн байдлаар 150 м3 буюу 37 портер түлшний модны нөөцтэй, 120 тн нүүрсний нөөцтэй байна гэж Баян-Өндөр сумын Засаг дарга Б.Баасансүрэн Засаг даргын шуурхай зөвлөгөөнөөр мэдээлэл хийлээ.
Нэг портер мод 480,000-600,000 төгрөг, нэг портер нүүрс 550.000 төгрөгийн үнэтэй байна. Их залуу багт байрлах “Буянтхангай” зах дээр портер мод 600,000 төгрөгийн үнэтэй, шуудай мод 8000 төгрөг, шуудай нүүрс 11000, “Ингэт” зах дээр портер мод 500.000 төгрөг, шуудай мод 8000, шуудай нүүрс 11000 төгрөгийн үнэтэй байна гэж танилцуулав.
Энэ жил зэргэлдээх Бугат, Орхон, Сэлэнгэ, Хангал сумдаас нийт есөн мянган метр куб мод нийлүүлэгдэхээс 6000 гаруй метр куб мод бэлтгэн борлуулагдсан байна. Шударга өрсөлдөөн хэрэглэгчдийн төлөөх газраас түлээ, нүүрсний үнэд зохиомол үнийн хөөрөгдөл байгаа эсэх хяналт шалгалтыг энэ долоо хоногт захуудад хийхээр төлөвлөж буй аж.
Мэдээллийн төв
