Шинэ суурьшлын бүсүүдэд автобусны буудал байгуулна
Өнгөрсөн даваа гаригийн Засаг даргын шуурхай зөвлөгөөнөөр шинэ суурьшлын бүсүүдэд нийтийн тээврийн автобусны буудал байгуулах зураг төсөв тооцоолол хийхэд онцгой анхаарах үүрэг даалгавар өгсөн.
“Эрдэнэт үйлдвэр ТӨҮГ”-ын Үйлдвэрчний эвлэлийн хорооноос уг асуудлаар Засаг дарга С.Батжаргалтай уулзаж санал солилцсон юм. Өнгөрсөн долоо хоногт энэ дагуу хамтран үзлэг хийж, шинээр баригдаж байгаа 2А орон сууцны хороолол орчим автобусны буудал барих газрыг тодорхойлов.
Мөн VI хороолол Эрх чөлөөний гудамжны авто зам дагуу буудлын тэмдэг тэмдэглэгээг шинэчилжээ. Түүнчдэн Авто тээврийн төвтэй хамтран шаардлагатай газар авто буудал барих газрын байршлыг гарган 2024 оны хөрөнгө оруулалтын ажилд тусгахаар ажиллаж байна.
Мэдээллийн төв
