Орлогод нийцсэн орон сууцны байрны нэмэлт бүртгэл МАРГААШ эхэлнэ
Орхон аймгийн Баян-Өндөр сумын Уртын гол багт баригдаж байгаа “Орлогод нийцсэн орон сууц”-ны байрнаас эхний ээлжийн B, D блок ашиглалтад орсон. Тус орон сууцны байрнаас худалдан авах хүсэлтээ цахимаар гаргаж, шаардлага хангасан иргэдийн зарим нь тодорхой шалтгааны улмаас худалдан авах боломжгүй гэдгээ илэрхийлсэн тул нэмэлтээр бүртгэл зохион байгуулах гэж байна.
Нэмэлт бүртгэл 2023 оны есдүгээр сарын 20-ны өдрийн 09:00 цагаас 2023 оны есдүгээр сарын 22-ны өдрийн 09:00 цаг хүртэл явагдана.
Энэ удаа өмнөх бүртгэлийн жишгээр олон нийтэд нээлттэй ил тод, шударга байх зарчмыг баримталж SMART ERDENET гар утасны аппликейшн болон www.smarterdenet.mn вэб сайтаар бүртгэлийг зохион байгуулна. Тодруулбал, иргэн Та Google form-ийн асуулга тус бүрээр материалаа оруулна. Баримт материалын бүрдүүлэлтдээ хянамгай хандах шаардлагатайг анхаарна уу. Дутуу мэдээлэл оруулсан бол нөхөж эсвэл засах боломжгүй.
Иймд иргэд Та бүхэн аймгийн иргэдийн Төлөөлөгчдийн хурлын 2022 оны арванхоёрдугаар сарын 02-ны өдрийн 13/08 дугаар тогтоолоор баталсан “ОРЛОГОД НИЙЦСЭН ОРОН СУУЦНЫ ЖУРАМ”-д заасан доорх баримт материалыг бүрдүүлж, цахимаар бүртгүүүлнэ үү.
Иргэд орон сууц худалдан авах хүсэлтээ маягтын дагуу гаргана.
ӨРГӨДЛИЙН АНКЕТ /ДАРЖ ТАТАЖ АВНА УУ/
Орон сууц байр худалдан авахад тавигдах шаардлага.
• Орон сууцны байр худалдан авах хүсэлт гаргасан айл өрх нь улсаас орон сууцны байр хувьчилж аваагүй байх,
• Орон сууц худалдан авах хүсэлт гаргасан айл өрх нь өмнө нь төрөөс хөнгөлөлттэй нөхцөлөөр олгох түрээсийн болон бусад орон сууцны хөнгөлөлт эдлээгүй байх,
• Орон сууцны байр худалдан авах айл өрх нь өөрийн өмчлөлийн инженерийн шугам хангамжгүй байх /Эрдэнэт-Ус ДТС ОНӨХК/-аас авна.
• Сүүлийн 5 жилд гэр хороололд амьдарсан байх,
• Худалдан борлуулах байрны төлбөрийг 100 хувь төлөх санхүүгийн эх үүсвэртэй байх
Орон сууцны байр худалдан авах айл өрхийн бүрдүүлэх бичиг баримт:
• Иргэний үнэмлэхний лавлагаа /ТҮЦ машин болон E-Mongolia app, web сайтаас гэр бүлийн гишүүний хамт/
• Оршин суугаа газрын лавлагаа /ТҮЦ машинаас болон E-Mongolia app, web сайтаас гэр бүлийн гишүүний хамт/
• Ам бүлийн тодорхойлолт багаас /гэр бүлийн гишүүний хамт/
• Гэрлэлтийн лавлагаа /ТҮЦ машинаас болон E-Mongolia app, web сайтаас /
• Нэг айл өрх нь нэг л орон сууцны байранд материалаа бүрдүүлж өгнө.
• Үл хөдлөх хөрөнгийн түүхчилсэн лавлагаа. /Улсын бүртгэлийн хэлтсээс биечлэн авна/
Дашрамд сануулахад, гэр хорооллын бүх багууд дээр Иргэний цахим булан ажиллаж байгаа учир багаасаа E-Mongolia лавлагаа, тодорхойлолт авах боломжтой.
Мэдээллийн төв
