Эрсдэлтэй 197 зөрчлийг энэ сарын 7-ны дотор арилгах үүрэг өгөв
Өнгөрсөн даваа гаригийн Засаг даргын шуурхай зөвлөгөөнөөр Засаг дарга С.Батжаргал аюултай нөхцөл байдал үүссэн эрсдэл бий болсон газруудыг яаралтай цэгцэлж, сургууль, цэцэрлэг орчмын зам талбайд тэмдэг тэмдэглэгээ байршуулах, ил гарсан цахилгааны утас, явган замын хайс, үзүүртэй төмөр, траншейны таг, ухсан нүх зэргийг анхаарч арга хэмжээ авах үүрэг даалгаврыг өгсөн.
Хотын захирагчийн албанаас Баян-Өндөр сумын багуудын хэмжээнд ил гарсан цахилгааны утас, явган замын хайс, үзүүртэй төмөр, траншейны таг, ухсан нүх зэрэг эрсдэл үүсэх магадлалтай газруудын судалгааг нэгтгэн гаргасан байна.
Үүнд:
- Таггүй худгийг тагжуулах, стандартын тагаар шинэчлэх-37
- Борооны усны суваг цэвэрлэх, засварлах-1
- Үерийн усны суваг цэвэрлэх, засварлах-50
- Ил гарсан цахилгааны кабель, унжсан кабель засварлах-42
- Ил гарсан төмөр, хайс хашлага засварлах-5
- Шороон зам-12
- Орц гарц засах-3
- Тоглоомын талбай засварлах-21
- Явган зам засварлах-3
- Гүүрэн гарц засварлах-1
Авто замын нөхөөс -10 зэрэг нийт 197 зөрчил ирснийг холбогдох мэргэжлийн байгууллагууд руу яаралтай арга хэмжээ авахыг шаардаж шилжүүлжээ. Тодруулбал, баяр наадмын өмнө энэ сарын7-ны өдрийн дотор төлөвлөгөө гарган ажиллах тухай чиглэл өгч хуваарилан шилжүүлжээ.
Мэдээллийн төв
