171 ААНБ хуушуур, шорлог, худалдаа үйлчилгээ, сугалаа эрхлэхээр цахимаар бүртгүүлжээ

Наадмын талбай, морь барианы газарт хуушуур, шорлог, худалдаа үйлчилгээ, сугалаа эрхлэх хүсэлтэй иргэн, аж ахуйн нэгжүүдийн бүртгэл өчигдөр 10:00-16:00 цагийн хооронд цахимаар явагдсан.

Уг цахим бүртгэлд 171 аж ахуйн нэгж хоол, худалдаа үйлчилгээ явуулахаар бүртгүүлсэн байна. Тухайлбал, Наадмын талбайд хуушуурны павильон 61, шорлог, хорхог 19, морь барианы газарт хуушуурны гэр барих 13, худалдаа хүнс бараа 58, сугалаа 20 гэхчлэн чиглэлээр тус тус зөвшөөрөл авсан байна.

ААН-үүдэд ирэх сарын 04-ны өдрийн 15.00 цагт Гэр бүл, хүүхэд залуучуудын хөгжлийн газрын 2 давхрын Хурлын зааланд мэдээлэл зөвлөмж өгөх сургалт зохион байгуулах юм.
•   Морь барианы газарт долдугаар сарын 08-ны өдөр гэрээ барьсан байна. 09-ний өглөө хурдан морины уралдаантай тул гэр бариулахгүй болохыг анхаарна уу!
•   Наадмын талбайн павильоны түлхүүрийг долдугаар сарын 7-нд наадмын талбай дээр олгоно.
•   Долдугаар сарын 8-ны дотор хоолны дээжийг Стандарт, хэмжил зүйн хэлтсийн лабораторид, хоол хийх махны шинжилгээг 05-09-ний хооронд Мал эмнэлгийн газрын лабораторид тус тус шинжлүүлэн бичиг баримтыг авсан байх шаардлагатай.
• Павильонуудын ариутгалыг нэгдсэн журмаар Мал эмнэлгийн газар хийж гүйцэтгэнэ.
• Наадмын талбайд ХҮНДЭТГЭЛИЙН ГЭР барих газрууд хүсэлтээ долдугаар сарын 4-ны дотор ирүүлж 8-нд гэрээ барьсан байх хэрэгтэй.
ЗӨВЛӨМЖ, ТАВИГДАХ ШААРДЛАГА
• Лото, шаар хагалах, шоо хаях зэрэг тоглоомыг хориглоно.
• Хоол үйлдвэрлэл эрхлэгчид нэг удаагийн хэрэгсэл, гар халдваргүйжүүлэх уусмалтай байх, амны хаалт тогтмол зүүнэ.
• Тоглоомын үйлчилгээ эрхлэгчид аюулгүй байдлыг нягт хангаж ажиллана.
• Галын аюулгүй байдлыг ханган ажиллаж, шаардлага хангасан гал унтраагчтай байна.
• Е-баримт олгодог байна.
• Зөвшөөрөлгүй явуулсан үйл ажиллагааг таслан зогсооно.