Орхон аймгийн баяр наадмын ерөнхий найруулагчаар Монгол Улсын Урлагийн Гавьяат зүтгэлтэн Д.Одончимэг ажиллаж байна
Монголын тулгар төрийн 2232, Их Монгол улсын 817, Ардын хувьсгалын 102 жил-Үндэсний их баяр, Орхон аймаг, Эрдэнэт хот байгуулагдсаны 47 жилийн баяр наадмыг ирэх сарын 10,11-ний өдрүүдэд тэмдэглэнэ.
Энэ жилийн баяр наадмыг зохион байгуулах хороон даргаар аймгийн ЗДТГ-ын дарга Ш.Ганболд, нарийн бичгийн даргаар аймгийн ЗДТГ-ын Цэргийн штабын дарга, дэд хурандаа Б.Оюунтүлхүүр нар ажиллаж, найман салбар комиссыг байгуулан чиглэл тус бүртээ зохион байгуулалтаа хангаж буй.
Мөн энэ жилийн баяр наадмын ерөнхий найруулагчаар Монгол Улсын Урлагын Гавьяат зүтгэлтэн Соёл урлагийн цогцолборын найруулагч Д.Одончимэг, туслах найруулагчаар Б.Ренцэнмядаг нар ажиллаж байна.
- Ёслол хүндэтгэлийн арга хэмжээг зохион байгуулах комиссын дарга М.Жанболат /аймгийн ЗДТГ-ын Төрийн захиргааны удирдлагын хэлстийн дарга/, Нарийн бичгийн дарга Ж.Баасансүрэн /ЗДТГ-ын Хяналт шинжилгээ, үнэлгээний хэлтсийн ахлах мэргэжилтэн.
- Үндэсний бөхийн комиссын дарга Г.Ганбаатар /Онцгой байдлын газрын дарга, хурандаа/, Нарийн бичгийн дарга Д.Дэлгэр баяр /Биеийн тамир, спортын газрын дарга
- Хурдан морины комиссын дарга М.Мөнхбаяр /ЗДТГ-ын Хууль, эрх зүйн хэлтсийн дарга/, Нарийн бичгийн дарга С.Даариймаа /Хүнс, хөдөө аж ахуйн газрын Мал үржлийн албаны дарга/
- Үндэсний сур, шагайн харвааны комиссын дарга Н.Баянмөнх /ЗДТГ-ын Цэргийн тоо бүртгэлийн ахлах офицер хошууч/, Нарийн бичгийн дарга Б.Бат-Эрдэнэ /ЗДТГ-ын Цэргийн штабын офицер, дэд хурандаа/
- Соёл урлаг, биеийн тамир, спорт, мэдээллийн асуудал эрхэлсэн комиссын дарга А.Бумансор /ЗДТГ-ын Нийгмийн бодлогын хэлтсийн дарга/, Нарийн бичгийн дарга А.Уранчимэг /Соёл урлагийн газрын даргын үүргийг түр орлон гүйцэтгэгч/.
- Худалдаа, тээвэр, үйлчилгээний асуудал эрхэлсэн комиссын дарга С.Даваадорж /ЗДТГ-ын Хөгжлийн бодлого, төлөвлөлт, хөрөнгө оруулалтын хэлтсийн дарга/, Нарийн бичгийн дарга Б.Баасансүрэн /ЗДТГ-ын ХБТХОХ-ийн мэргэжилтэн/.
- Хот тохижилт, чимэглэлийн асуудал эрхэлсэн комиссын дарга Б.Одгэрэл /Хотын захирагчийн албаны дарга/, Нарийн бичгийн дарга /М.Дэлгэрмаа Хотын захирагчийн албаны мэргэжилтэн/.
- Хэв журам хамгаалах комиссын дарга А.Лхагвадорж /Цагдаагийн газрын дарга,цагдаагийн хурандаа/, Нарийн бичгийн дарга Б.Эрдэнэхүү /Цагдаагийн газрын нийтийн хэв журам хамгаалах тасгийн дарга, цагдаагийн хурандаа/
Энэ жилийн наадмын зохион байгуулалтын үйл ажиллагаанд 680 гаруй уран бүтээлч, төрийн албан хаагчид оролцож байна.
Мэдээллийн төв
