Наадмын талбай, морь барианы газарт хуушуур, шорлог, худалдаа үйлчилгээ, сугалаа эрхлэх хүсэлтэй иргэн, аж ахуйн нэгжүүдийн бүртгэл 2023 оны 06 сарын 29-ны өдөр ЦАХИМААР болохтой холбогдуулан дараах мэдээллийг хүргүүлж байна. 

•   Хуушуур, шорлог, хүнс, барааны худалдаа, сугалааны бүртгэл цахимаар явагдана. 
•   Тоглоом, фото зургийн үйлчилгээ эрхлэгчдийн хүсэлтийг Баян-Өндөр сумын ЗДТГ-ын Худалдаа, үйлчилгээ хариуцсан мэргэжилтэн хүлээж авна.

Нийтийн хоол үйлдвэрлэл /хуушуур/ эрхлэхэд бүрдүүлэх материал:
1.     Хоол үйлдвэрлэл, үйлчилгээ эрхлэгчийн хүсэлт, холбогдох утасны дугаар 
2.    Иргэний үнэмлэх, аж ахуйн нэгжийн гэрчилгээний хуулбар
3.    Тогоочийн мэргэжлийн үнэмлэхийн хуулбар
4.    Тогооч, ажилчдын урьдчилан сэргийлэх үзлэг шинжилгээний дэвтрийн хуулбар
5.    ХХААГ-ын Бүртгэл мэдээллийн санд бүртгэгдсэн хоол үйлдвэрлэл, үйлчилгээ  
             эрхлэгчийн бүртгэлийн хуудас

Худалдаа, үйлчилгээ, тоглоом, сугалаа, фото зургийн  үйлчилгээ хүсэхэд бүрдүүлэх материал:

1.    Аж ахуйн нэгж, иргэний хүсэлт, утасны дугаар 
2.    Аж ахуйн нэгжийн гэрчилгээний хуулбар, иргэний үнэмлэхийн хуулбар
3.    Эрүүл мэндийн шинжилгээний дэвтрийн хуулбар /зөвхөн хүнсний худалдаа эрхлэгчид/

Нийтийн хоол үйлдвэрлэл, худалдаа, үйлчилгээний цахим бүртгэл 06 дугаар сарын 29-ны 10:00 цагт нээгдэж, 16:00 цагт хаагдана.
Нийтийн хоол, худалдаа үйлчилгээ, сугалаа явуулах аж ахуйн нэгж, иргэд ERDENET.MN албан ёсны цахим хуудсанд нэвтэрч ВЕБСАЙТ хэсэгт дарахад 
1.    “Баяр наадмын үеэр ажиллах нийтийн хоол үйлдвэрлэл эрхлэгчдийн цахим бүртгэл”
2.    “Баяр наадмын үеэр ажиллах худалдаа, үйлчилгээ, сугалаа эрхлэгчдийн цахим бүртгэл”  хэсэг харагдана. 
Ажиллах чиглэлээ сонгоод талбаруудыг үнэн зөв бөглөж, скайнердаж бэлдсэн бүрдүүлэх бичиг баримтыг хавсаргана. 
ЖИЧ: Бөглөөгүй дутуу талбар үлдээх, бичиг баримтын бүрдэл дутуу тохиолдолд бүртгэгдэхгүй болно. 

•  Хоол үйлдвэрлэл эрхлэхээр бүртгэл хийгдэж баталгаажсан аж ахуйн нэгжүүдэд  2023 оны 07 дугаар сарын 04-ны 10:00 цагт, худалдаа үйлчилгээ, тоглоом, сугалаа, фото зургийн үйлчилгээ эрхлэх хүсэлт нь баталгаажсан иргэн, ААН-үүдэд 2023 оны 07 дугаар сарын 04-ны өдрийн 15.00 цагт Гэр бүл, хүүхэд залуучуудын хөгжлийн газрын 2 давхрын Хурлын зааланд мэдээлэл зөвлөмж өгч, сургалт зохион байгуулна. 

• Морь барианд 2023 оны 7-р сарын 08-ны өдөр гэрээ барьсан байна. 7-р сарын 09-ний өглөө хурдан морины уралдаантай тул гэр бариулахгүй болохыг анхаарна уу!
• Наадмын талбайн павилоны түлхүүрийг 7 сарын 07-нд наадмын талбай дээр олгоно.
• 023 оны 7 дугаар сарын 08-ны дотор хоолны дээжийг Стандарт, хэмжил зүйн хэлтсийн лабораторид, хоол хийх махны шинжилгээг 07 сарын 05-09-ний хооронд Мал эмнэлгийн газрын лабораторид тус тус шинжлүүлэн бичиг баримтыг авсан байх шаардлагатай. 

•    Павильонуудын ариутгалыг нэгдсэн журмаар Мал эмнэлгийн газар хийж гүйцэтгэнэ.
•    Наадмын талбайд ХҮНДЭТГЭЛИЙН ГЭР барих газрууд хүсэлтээ 7 сарын 4-ны дотор ирүүлж 7 сарын 8-нд гэрээ барьсан байх хэрэгтэй. 

ЗӨВЛӨМЖ, ТАВИГДАХ ШААРДЛАГА

•    Лото, шаар хагалах, шоо хаях зэрэг тоглоомыг хориглоно.
•    Хоол үйлдвэрлэл эрхлэгчид нэг удаагийн хэрэгсэл, гар халдваргүйжүүлэх уусмалтай байх, амны хаалт тогтмол зүүнэ.
•    Тоглоомын үйлчилгээ эрхлэгчид аюулгүй байдлыг нягт хангаж ажиллана.
•    Галын аюулгүй байдлыг ханган ажиллаж, шаардлага хангасан гал унтраагчтай байна. 
•    Е-баримт олгодог байна.
•    Зөвшөөрөлгүй явуулсан үйл ажиллагааг таслан зогсооно.

Мэдээллийн төв