Орхон аймаг хоёр жилд нэг удаа эдийн засгийн форум зохион байгуулдаг. Өмнөх жилүүдэд зохион байгуулсан эдийн засгийн форумуудаас ямар үр дүн гарсан талаарх мэдээллийг хүргэж байна.

2017 оны эдийн засгийн форумын  гол зорилго нь олон улсын  Донор байгууллагуудтай хамтын ажиллагааг өрнүүлэх байв. Үр дүнд, 

• Европын Сэргээн Босголт Хөгжлийн банкны 265 сая.долларын санхүүжилттэй “Эрдэнэт хотын гамшигт тэсвэртэй байдал” төсөл  
• “НҮБ-ийн Хөгжлийн хөтөлбөр”-тэй Тогтвортой хөгжлийн зорилтуудын нутагшуулах чиглэлээр төслүүд
• Польшийн Засгийн газрын хөнгөлөлттэй зээл -“Эрдэнэт хотын хатуу хог боловсруулах үйлдвэр байгуулах, хог хаягдлыг татан зайлуулах менежментийг сайжруулах” төсөл
• Дэлхийн банкнаас “Уур амьсгалын өөрчлөлтийн нөлөөлөл ба хотуудын тэсвэрлэх байдал” судалгааг Улаанбаатар, Дархан, Эрдэнэт хотод хийсэн. 

2019 онд зохион байгуулсан эдийн засгийн форум

• 2019 онд Тогтвортой хөгжлийн зорилгыг хэрэгжүүлэх боловсролтой, эрүүл, оюунлаг иргэнийг төлөвлшүүлэх-НИЙГМИЙН ТОГТВОРТОЙ ХӨГЖИЛ,  өөрөө өөрийгөө тэтгэдэг эдийн засгийн бие даасан хот-ЭДИЙН ЗАСГИЙН ТОГТВОРТОЙ ХӨГЖИЛ, бүх нийтийн оролцоог нэмэгдүүлж, эрүүл аюулгүй таатай орчин бүхий ногоон хотыг бий болгох-БАЙГАЛЬ ОРЧНЫ ТОГТВОРТОЙ ХӨГЖИЛ, иргэн бүрт хүртээмжтэй төрийн үйлчилгээний өндөр соёлтой загвар аймаг болох-ЗАСАГЛАЛЫН ТОГТВОРТОЙ ХӨГЖИЛ гэсэн 4 зорилтыг дэвшүүлэн 2019- 2025 он хүртэл баримтлах бодлогоо тодорхойлсон. Европын Сэргээн Босголт Хөгжлийн банктай хамтран
• “Эрдэнэт хотын ногоон, орлогод нийцсэн орон сууц” төсөл,
• “Эрдэнэт хотын дулааны шугам сүлжээг шинэчлэх, өргөтгөх” төсөл
• Эрдэнэт хотын орон сууцны барилгуудын дулаан алдагдлыг бууруулах” төсүүд,
• Азийн хөгжлийн банкнаас Орхон аймагт "Агаарын бохирдлыг бууруулах төсөл“-ийг хэрэгжүүлэхээр болсон.

2021 онд Дэлхий нийтийг хамарсан Ковид-19 цар тахлын үе байсан ч эдийн засгийн форумаа цахимаар  амжилттай зохион байгуулснаар...

• Орон нутгийн ЖДҮ эрхлэгчдийг чадавхижуулахад ХБНГУ-ын GIZ прогресс төсөлтэй
• Хог хаягдлын менежмент, нийтийн тээврийн салбарын хөгжүүлэлтэд НҮБ-ын хөгжлийн хөтөлбөртэй,
• ЕБС-ын цахим сургалтын чадамжийг нэмэгдүүлэхэд Мобиком корпорацтай,
• 21 төслийг танилцуулж 5 төсөл үйл ажиллагаагаа үргэлжлүүлэн хэрэгжүүлж байна. Ора металл ган бөмбөлөгийн үйлдвэр 100 сая төгрөгийн хөрөнгө оруулалт зэрэг гадаад, дотоодын олон байгууллагуудтай хамтын ажиллагааг эхлүүлсэн.
• Форумын үеэр танилцуулсан “ЦАХИМ ЭРДЭНЭТ-1” хөтөлбөрийг батлуулж,  хэрэгжүүлэх хүрээнд их дээд сургууль, шинжлэх ухааны байгууллагуудтай хамтын ажиллагааг эхлүүлж,  ухаалаг, цахим хот болохоор зорьсон нь  өнөөдөр ийн  үр дүнгээ  өгч “СМАРТ ЭРДЭНЭТ” ЭКСПО-г зохион байгуулж байна. 

Тодруулбал, 2021 оны эдийн засгийн форумаас  цахимжуулалтыг эрчимжүүлж, цахим аймаг болох зорилтыг дэвшүүлсэн. Үүнийхээ хүрээнд  аймгийн ИТХ-ын 2021 оны 20 дугаар тогтоолоор “Цахим Эрдэнэт-1” хөтөлбөрийг  батлуулан хэрэгжүүлсний үр дүнд  Эрдэнэт хотын төр, хувийн хэвшлийн  бүхий л үйлчилгээг нэг дор багтаатсан   “Смарт Эрдэнэт”  платформийг орон нутгаас анхлан хэрэглээнд нэвтрүүлэхэд бэлэн болсон. 

Маргааш болох  “Смарт Эрдэнэт экспо”-ийн үеэр нээлтээ хийх тус   аппликейшнийн онцлог нь “E-Mongolia” төрийн цахим үйлчилгээний нэгдсэн системийн дэд систем байдлаар орон нутгийн бүхий л үйлчилгээг нэг дор багтаасан цахим платформ юм. 

Мэдээллийн төв