2024 оны 03-р сарын 29

Гамшгийн аюулыг зарлан мэдээлэх 16:00 цагийн дуут дохиогоор  32700 иргэн аюулгүйн талбайд цугларлаа 

Газар хөдлөлтийн гамшиг тохиолдож “онц байдал” тогтоосон үеийн төрийн байгууллагуудын харилцан хамтын ажиллагаа сэдэвт стратегийн команд штабын сургууль хоёр дахь өдрөө үргэлжилж байна.  Нийслэлийн Баянгол, Сонгинохайрхан, Чингэлтэй, Сүхбаатар, Хан-Уул, Баянзүрх зэрэг 6 дүүрэг, Орхон, Хөвсгөл, Булган, Сэлэнгэ зэрэг 7 аймагт зохион байгуулж буй уг сургууийг Монгол Улс анх удаа зохион байгуулж буйгаараа онцлог юм. 

Үндэсний аюулгүй байдлын зөвлөл, Шадар сайдын ажлын алба, Онцгой байдлын ерөнхий газар, Нийслэлийн Засаг даргын тамгын газар хамтран зохион байгуулж буй энэхүү сургуулилт маргааш хүртэл үргэлжилнэ. 

Газар хөдлөлтийн гамшгийн үед хариу арга хэмжээ авах, ард иргэдэд мэдлэг, мэдээлэл олгох, төрийн болон төрийн бус байгууллагуудын уялдаа холбоог сайжруулах нь энэ удаагийн сургуулилтын зорилго юм. Дадлага сургуульд Гамшгаас хамгаалах 12 алба, яам агентлаг, төрийн цэргийн болон хууль сахиулах байгууллага, олон улсын байгууллага болоод 21 аймгийн Онцгой комиссын гишүүд зэрэг 2500 гаруй хүн танхимаар болон цахимаар оролцож байна.

Төрийн байгууллагуудын харилцан ажиллагааг жигдрүүлэх, улсын гамшигтай тэмцэх болон төрийн цэргийн байгууллагын чиглэлийн төлөвлөгөөг тодотгох, нэгдсэн удирдлагын тогтолцоог бэхжүүлэх, гамшгийг хохирол багатай даван туулах чадавхыг дээшлүүлэх нь энэхүү дадлага сургуулийн зорилго юм. 

Орхон аймаг Нутгийн удирдлагын ордон дээр Онцгой байдлын ажиллагааны удирдлагын төвийг байгуулан штабаас өгөгдсөн цагийн байдал дээр ажиллаж байна. 

Мөн уг сургуулийн хүрээнд улс орон даяар гамшгийн үеийн зарлан мэдээлэх дуут дохиог 16:00 цагт дуугаргалаа.  Аймгийн хэмжээнд гамшгийн зарлан мэдээлэх дуут дохиогоор 32 мянга 700 хүн аюулгүйн талбайд цугларч бүртгэлээ хийлгэсэн гэж аймгийн Онцгой байдлын газраас мэдээллээ.  Жил бүрийн гуравдугаар сард зохион байгуулдаг байсан энэхүү сургууль дадлагыг стратегийн команд штабын сургууль болохтой холбоотойгоор зургадугаар сард зохион байгуулахаар хойшлуулсан юм. 

Мэдээллийн төв 

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 44.200.77.59
  • 1 Онлайн
  • 334 Өнөөдөр
  • 539 Өчигдөр
  • 2253 Долоо хоногт
  • 19544 Сүүлийн сард
  • 6914312 Нийт хандалт