Төрийн албаны ерөнхий шалгалтын эхний өдөр 27 иргэн тэнцлээ

Төрийн албаны II улирлын ерөнхий шалгалт өнөөдөр аймгийн ЗДТГ-ын Төрийн албан хаагчдын сургалтын танхимд 08:30 минутад эхэлж, эхний өдрийн шалгалт амжилттай болж өндөрлөлөө.
Энэ удаагийн шалгалтад 94 хүн оролцохоор бүртгүүлснээс эхний өдөр 51 иргэн дөрвөн ээлжээр шалгууллаа. Нийт шалгуулсан иргэдээс 27 нь буюу 52,9 хувь нь тэнцэв.
Төрийн албаны салбар зөвлөл энэ оны нэгдүгээр сарын 25-ний өдрийн хуралдаанаар “Төрийн албаны тусгай шалгалт өгөх болзол, журам”, Төрийн албан тушаалд шатлан дэвшүүлэх журам” зэрэг таван журмыг нэгтгэсэн. Ингээд “Төрийн албаны шалгалт өгөх болзол болон шатлан дээшлүүлэх, сонгон шалгаруулах журам” болгон шинэчлэн баталж өнгөрсөн гуравдугаар сарын 31-ний өдрөөс эхлэн мөрдөж буй.

Төрийн жинхэнэ алба хаах хүсэлтэй иргэнийг сонгон шалгаруулж, төрийн албан хаагчийн нөөц бүрдүүлэх төрийн жинхэнэ албан тушаалд тусгай шаардлагыг хангасан хүнийг чадахуйн зарчимд үндэслэн сонгон шалгаруулж томилох нөхцөл бололцоог бүрдүүлэх нь энэхүү шалгалтын зорилго юм. Шалгалт маргааш хоёр ээлжээр явагдах бөгөөд аймгийн ЗДТГ-ын Төрийн албан хаагчдын сургалтын танхимд 08:30 минутад эхэлнэ. Шалгуулагчдыг 30 минутын өмнө ирж бүртгэлээ хийлгэхийг сануулья.

Мэдээллийн төв