2024 оны 03-р сарын 28

Аймгийн Хөдөлмөр, халамж үйлчилгээний газар 2022 оны ажлаараа орон нутагтаа төдийгүй улсдаа тэргүүллээ 

Улсын хэмжээнд салбартаа болон орон нутагтаа 2022 оны ажил үйлсээрээ манлайлсан төрийн байгууллагуудыг  онцлон цувралаар хүргэж байна. Аймгийн Хөдөлмөр, халамж үйлчилгээний газар нь 2022 онд  салбартаа хийж  хэрэгжүүлсэн ажлаараа улсын  хэмжээнд нэгдүгээр байранд шалгарсан орон нутагтаа ч мөн манлайлав. 
Тодруулбал, Засаг даргын захирамжаар орон нутгийн 25 агентлагын 2022 оны үйл ажиллагаанд хийсэн хяналт шинжилгээний дүнгээр шилдэг таван байгууллагын нэгээр шалгарсан. 

2022 онд Хөдөлмөр, халамж үйлчилгээний газрын  хийж хэрэгжүүлсэн ажлын заримаас нь онцлон хүргэе. 

Төрийн үйлчилгээг цахимжуулав

Засгийн газраас хэрэгжүүлж буй  “Цахим Монгол” хөтөлбөрийн хүрээнд нийгмийн халамжийн үйлчилгээ нь ehalamj.mn цахим системд 2022 онд 40 үйлчилгээг цахимд шилжүүлснээр нийгмийн халамжийн үйлчилгээ 100 хувь цахимжсан. Цахим системд шилжсэнээр тухайн үйлчилгээнд хамрагдах иргэний цахим өргөдөл автоматаар үүсэхээс гадна оршин суугаа хаягийн тодорхойлолт, иргэний үнэмлэхний лавлагаа, хүүхдийн төрсний гэрчилгээ зэрэг шаардлагатай бичиг баримтыг систем өөрөө үүсгэснээр иргэдийн цаг хугацаа төдийгүй төрийн байгууллагуудын ачаалал, бичиг, цаас хэмнэх зэрэг олон давуу талтай. 

Түүнчлэн иргэн өөрийн өргөдөл хүсэлтийн шийдвэрлэлт аль шатандаа явж буйг хянах, шийдвэрлэгдсэний дараа мөнгөө дурын арилжааны банкин дахь нэрийн данстайгаа холбуулж, өөрт ойр АТМ-ээс авах боломжтой болов. 

Хөдөлмөр, халамжийн үйлчилгээний газрын киоск төхөөрөмжийг Баян-Өндөр суманд тавыг байршуулав 

Энэ цахим төхөөрөмжийг ажиллуулснаар иргэдэд нээлттэй ил тод байхаар мэдээллийн нэгдсэн санг зохион байгуулж, иргэд хөдөлмөр эрхлэлт, нийгмийн халамжийн үйлчилгээний талаарх мэдээллийг авах боломжийг бүрдүүлэв.  Тус төхөөрөмжийг  нэг цонхны үйлчилгээний цэгүүдэд, Баян-Өндөр суманд 5 ширхэгийг байршууллаа.  24 цагийн үйлчилгээтэй тус автомат машинаас иргэн хөдөлмөр эрхлэлт, нийгмийн халамжийн үйлчилгээний мэдээллийг хүссэн үедээ авах боломжтой. 

           Хөдөлмөр эрхлэлтийн ажил мэргэжлийн төв, Залуучуудын хөдөлмөр эрхлэлтийн загвар төвийг байгуулав 

Тус газрын дэргэд Дэлхийн банкны 110 сая төгрөгийн санхүүжилтээр “Хөдөлмөр эрхлэлтийн ажил мэргэжлийн төв, Швейцарын хөгжлийн агентлагийн 24.6 сая төгрөгийн санхүүжилтээр “Залуучуудын хөдөлмөр эрхлэлтийн загвар төв”-үүдийг байгуулж  үйл ажиллагаагаа явуулж байна. Хөдөлмөрийн зах зээлийн болон ажил, мэргэжлийн чиглэлээр ажил хайгч нарт мэдээлэл, зөвлөгөө өгөх, ажлын байрны зарыг олон нийтэд түгээх, ажилд зуучлах зэрэг хөдөлмөр эрхлэлтийн үйлчилгээг үр дүнтэй хүргэх орчин нөхцөлийг сайжруулсан арга хэмжээ болов. 

Мэдээллийн төв

 

Санал асуулга

Манай вэб сайт таны санаанд хэр нийцэж байна?

Нийт саналын тоо:  57601

Facebook

Цаг агаар

Вебийн статистик

Таны IP хаяг: 3.235.251.99
  • 1 Онлайн
  • 309 Өнөөдөр
  • 539 Өчигдөр
  • 2228 Долоо хоногт
  • 19519 Сүүлийн сард
  • 6914287 Нийт хандалт